KGF2 Toofan Song: ‘కేజీఎఫ్ 2′ నుంచి ‘తుఫాన్’ వీడియో సాంగ్.. క్షణాల్లోనే వైరల్

KGF2 Toofan Song: కన్నడ రాకింగ్ స్టార్ యశ్ హీరోగా వచ్చిన ‘కేజీఎఫ్ 2’ చిత్రం, యావత్తు మాస్ ప్రేక్షక లోకాన్ని చాలా బాగా ఆకట్టుకుంది. అత్యధిక వసూళ్లు రాబట్టి, విమర్శకుల నుంచి ప్రశంసలు పొందింది. వెయ్యి కోట్ల క్లబ్‌లో కూడా చేరింది ఈ మూవీ. ఇక ‘కేజీఎఫ్ 2’లోని ప్రతి పాట ప్రేక్షకులను చాలా బాగా ఆకట్టుకుంది. ఇప్పటికే అమ్మ పాట, మెహబూబా సాంగ్‌ ల వీడియోలను విడుదల చేసింది.

తాజాగా ఈ సినిమా నుంచి తుఫాన్‌ పాటను కూడా విడుదల చేసింది. ప్రస్తుతం తుఫాన్‌ సాంగ్‌ యూట్యూబ్‌లో దూసుకువెళ్తుంది. ‘తూఫాన్ తూఫాన్.. ఎలుగెత్తి ఎగిసి పడగొట్టినదే..’ అంటూ సాగిన ఈ పాట చాలా బాగుంది. భయంతో నలిగిపోయిన తమలో.. సడెన్ గా వచ్చి ధైర్యాన్ని నింపిన రాఖీ భాయ్‌ని పొగుడుతూ గోల్డ్‌ మైన్‌లోని కార్మికులు పాడిన పాట ఇది.

Also Read: Sarkaru Vaari Paata Collections: ‘సర్కారు వారి పాట’ టుడే కలెక్షన్స్.. ఇంకా ఎన్ని కోట్లు కలెక్ట్ చేయాలంటే ?

ఈ పాటలోని లిరిక్స్‌ ఆకట్టుకుంటున్నాయి. బంగారు సామ్రాజ్యానికి అధినేతగా మారిన తర్వాత రాఖీ భాయ్‌ ప్రజలతో ఎలా కలిసిపోయాడన్న అంశాలను కూడా ఈ పాటలో చాలా బాగా చూపించారు. అలాగే, పాటలోని లిరిక్స్‌ తో పాటు మ్యూజిక్‌ బిట్స్ కూడా బాగున్నాయి. అందుకే.. ఈ సాంగ్ విడుదలైన కొన్ని క్షణాల్లోనే రికార్డ్‌ వ్యూస్‌ తో దూసుకుపోతోంది.

ఏది ఏమైనా దక్షిణాది పాన్ ఇండియా సినిమాలలో బాహుబలి తర్వాత కేజీఎఫ్ చాప్టర్ 1 సినిమానే భారీ విజయం సాధించింది. కన్నడ రాకింగ్ స్టార్ యశ్ ను నేషనల్ స్టార్ ను చేసింది. దేశంలోని అన్ని పరిశ్రమల్లో ఈ చిత్రం అద్భుత విజయాన్ని సాధించింది. పైగా ఈ సినిమా ఓపెనింగ్స్ తో సరికొత్త రికార్డ్స్ సృష్టించింది.

బాలీవుడ్‌ స్టార్స్ సంజయ్ దత్‌, రవీనా టాండన్‌, ప్రకాశ్‌ రాజ్, రావు రమేశ్, శ్రీనిధి శెట్టి తదితరులు ముఖ్య పాత్రలు పోషించిన ఈ మూవీని హోంబలే ఫిల్మ్స్ పతాకంపై విజయ్ కిరంగదూర్‌ నిర్మించారు. రవి బస్రూర్ సంగీతం అందించారు.

Also Read:NTR Centenary Celebrations: ప్రతిష్టాత్మకంగా ఎన్టీఆర్ శతజయంతి ఉత్సవాలు.. భారతరత్న పరిస్థితి ఏమిటి ?
Recommended Videos