Ram Charan Episode Promo
Unstoppable 4 : నేడు అన్నపూర్ణ స్టూడియోస్ లో ‘అన్ స్టాపబుల్ 4’ లేటెస్ట్ ఎపిసోడ్ పూర్తి అయ్యింది. ఈ ఎపిసోడ్ కి గ్లోబల్ స్టార్ రామ్ చరణ్ ముఖ్య అతిథిగా విచ్చేశాడు. ఉదయం పది గంటలకు మొదలైన ఈ ఎపిసోడ్ షూటింగ్, సాయంత్రం 6 గంటల వరకు సాగింది. ఈ ఎపిసోడ్ లో రామ్ చరణ్, బాలయ్య మధ్య జరిగిన సరదా చిట్ చాట్ అద్భుతంగా కుదిరిందని అంటున్నారు. ఈ ఎపిసోడ్ లో రామ్ చరణ్ ప్రాణ స్నేహితులుగా పిలవబడే శర్వానంద్, వికాస్ లు కూడా పాల్గొన్నారు. ఈ ముగ్గురితో బాలయ్య కొన్ని టాస్కులు ఆడించాడు. ఈ ముగ్గురు కలిసి ఉన్నంతసేపు సెట్స్ మొత్తం ఫన్ తో మునిగిపోయిందట. బాలయ్య కూడా వాళ్ళతో కలిసి అదిరిపోయే రేంజ్ జోకులు వేసాడు. చూస్తున్నంతసేపు కనుల పండుగ లాగా ఉన్నిందట ఈ ఎపిసోడ్. ఈ ఎపిసోడ్ మధ్యలో రామ్ చరణ్ తన మిత్రుడు ప్రభాస్ కి ఫోన్ చేస్తాడు.
గత సీజన్ లో ప్రభాస్ ముఖ్య అతిథిగా వచ్చినప్పుడు రామ్ చరణ్ కి కాల్ చేస్తాడు. రామ్ చరణ్ ఫోన్ కాల్ లో ప్రభాస్ తో ఏ రేంజ్ లో ఆడుకుంటాడో మన అందరికీ తెలిసిందే. తర్వాత వస్తావ్ గా అన్ స్టాపబుల్ షోకి, అప్పుడు బాలయ్య నాకే ఫోన్ చేస్తాడు, అప్పుడు చెప్తా నీ పని అంటూ ప్రభాస్ ఫన్నీ కామెంట్స్ చేస్తాడు. ఆ కామెంట్స్ కి తగ్గట్టే నేడు ప్రభాస్ రామ్ చరణ్ ని ఒక రేంజ్ లో ఆట పట్టించాడని తెలుస్తుంది. ‘ఒరేయ్ చరణ్..భలే దొరికావ్ రా’ అంటూ ప్రభాస్ రామ్ చరణ్ తో చాలా ఫన్నీ గా ఫోన్ కాల్ సంభాషణ జరిపాడట. ఈ సంభాషణ లో రామ్ చరణ్ కి సంబంధించిన కొన్ని సీక్రెట్స్ కూడా ప్రభాస్ లీక్ చేసాడని తెలుస్తుంది. ప్రోమోలో అవన్నీ చూపించబోతున్నారు.
ఈ ప్రోమో కట్ కూడా సిద్ధమైపోయింది అట. రేపు లేదా ఎల్లుండి ఈ ప్రోమో ని విడుదల చేయబోతున్నారు. ఈ ఎపిసోడ్ కూడా రెండు భాగాలుగా ఉంటాయట. రామ్ చరణ్ తన చిన్న నాటి విశేషాలు, తన తండ్రి చిరంజీవి, బాబాయ్ పవన్ కళ్యాణ్ తో ఉన్నటువంటి అనుబంధం గురించి చాలా ఎమోషనల్ గా చెప్పాడని తెలుస్తుంది. అంతే కాకుండా పవన్ కళ్యాణ్ ఉప ముఖ్యమంత్రిగా ప్రమాణ స్వీకారం చేస్తున్న రోజు, మోడీ తో తన అన్నయ్య చిరంజీవి చేతులు పట్టుకొని పైకి లేపిన సందర్భాన్ని గుర్తు చేసుకుంటూ రామ్ చరణ్ చాలా గొప్పగా చెప్పాడట. ఆ సమయంలో ఆయన ఎమోషనల్ అవ్వడం మనమంతా చూసాము. అలా చెప్పుకుంటూ పోతే ఈ ఎపిసోడ్ అన్ స్టాపబుల్ ది బెస్ట్ గా ఉండబోతుందని తెలుస్తుంది. ఈ ఎపిసోడ్ లో నిర్మాత దిల్ రాజు కూడా పాల్గొన్నాడు. ‘గేమ్ చేంజర్’ కి సంబంధించిన విశేషాలు కూడా చాలా వరకు చెప్పారట.
