Thangalaan OTT: ఈ ఏడాది భారీ అంచనాల నడుమ విడుదలై బాక్స్ ఆఫీస్ వద్ద మిశ్రమ స్పందన దక్కించుకున్న చిత్రాలలో ఒకటి, చియాన్ విక్రమ్ నటించిన ‘తంగలాన్’. ఈ సినిమా కి పాజిటివ్ టాక్ అయితే వచ్చింది కానీ, కేవలం ఒక వర్గం ఆడియన్స్ ని టార్గెట్ చేసుకొని తీయడం వల్ల అనుకున్న రేంజ్ సక్సెస్ అవ్వలేదని ట్రేడ్ విశ్లేషకులు చెప్తున్నారు. ప్రపంచవ్యాప్తంగ్తా ఈ చిత్రానికి ఫుల్ రన్ లో తెలుగు , తమిళ భాషలకు కలిపి 120 కోట్ల రూపాయిల గ్రాస్ వసూళ్లను రాబట్టింది. బ్రేక్ ఈవెన్ మార్కుని అందుకోవాలంటే కనీసం 180 కోట్ల రూపాయిలు రాబట్టాలి. దీంతో కమర్షియల్ గా డిజాస్టర్ గా నిల్చింది ఈ చిత్రం. తెలుగు వెర్షన్ కి కూడా మిశ్రమ స్పందన లభించింది.
ఇదంతా పక్కన ఈ సినిమా ఓటీటీ రైట్స్ ని నెట్ ఫ్లిక్స్ సంస్థ భారీ రేట్ కి కొనుగోలు చేసిన సంగతి అందరికీ తెలిసిందే. కానీ నిర్మాతలకు, నెట్ ఫ్లిక్స్ సంస్థకి మధ్య జరగాల్సిన కొన్ని ఫైనాన్షియల్ ట్రాన్సాక్షన్స్ కారణంగా ఈ సినిమా ఇన్ని రోజులు ఓటీటీ ఆడియన్స్ కి అందుబాటులో రాలేదు. ఇప్పుడు ఆ సమస్యలన్నీ పరిష్కరించుకొని, నెట్ ఫ్లిక్స్ లో విడుదల చేయడానికి సిద్ధంగా ఉన్న సమయంలో ఈ సినిమా పావు హై కోర్టులో కేసు నమోదైంది. పూర్తి వివరాల్లోకి వెళ్తే ఈ సినిమాలో వైష్ణవులను, వైష్ణవ మతాన్ని కించపరుస్తూ చాలా సన్నివేశాలు ఉన్నాయని,ఇప్పుడు ఈ చిత్రాన్ని ఓటీటీ లో విడుదల చేస్తే మతాల మధ్య విద్వేషాలు చెలరేగి పెద్ద ఎత్తున గొడవలు జరిగే అవకాశం ఉందని, కాబట్టి ఈ సినిమాని ఓటీటీ లో విడుదల చేసేందుకు అనుమతి ఇవ్వరాదని ప్రజా ప్రయోజన సంఘం వారు పోరుకోడి మద్రాసు హై కోర్టులో పిటీషన్ దాఖాలు చేసారు. దీనిని విచారించిన హై కోర్టు ‘నిబంధనలకు తగ్గట్టుగానే సెన్సార్ బోర్డు ఈ చిత్రానికి సర్టిఫికేట్ ఇచ్చింది. కాబట్టి ఎలాంటి చర్యలు తీసుకోవడానికి లేదు. తంగలాన్ చిత్రాన్ని ఓటీటీ లో విడుదల చేసుకోవచ్చు’ అని పిటీషన్ ని కొట్టిపారేసింది.
దీంతో ఈ చిత్రం ఓటీటీ లో విడుదల అవ్వడానికి ఉన్న అడ్డంకులు మొత్తం తొలగిపోయినట్టే అని చెప్పొచ్చు. ఈ దీపావళికి సినిమా నెట్ ఫ్లిక్స్ లో తెలుగు, హిందీ, తమిళం, మలయాళం మరియు కన్నడ భాషల్లో విడుదల కాబోతుంది. దీనికి సంబంధించిన అధికారిక ప్రకటన త్వరలోనే రానుంది. థియేటర్స్ లో ఈ సినిమాని చూసేందుకు చాలా ఓపిక కావాలి, కానీ ఓటీటీ లో ఆడియన్స్ ఇలాంటి చిత్రాలకు బాగా కనెక్ట్ అయ్యే అవకాశాలు ఉన్నాయి. ఎందుకంటే కథలో దమ్ము ఉంది, స్క్రీన్ ప్లే కూడా బాగానే ఉంటుంది, ఒక సరికొత్త ప్రపంచం లోకి అడుగుపెట్టినట్టుగా ఈ సినిమా ఉంటుంది. విక్రమ్ నటన గురించి ప్రత్యేకించి చెప్పనవసరం లేదు. హీరోయిన్ మాళవిక మోహనన్ కూడా తన అద్భుతమైన నటనతో అదరగొట్టేసింది, కచ్చితంగా చూడాల్సిన సినిమా, ఎవ్వరూ మిస్ అవ్వకండి.
