Tillu Square Song: గత ఏడాది విడుదలైన డీజే టిల్లు సంచలన విజయం సాధించింది. యంగ్ హీరో సిద్ధు జొన్నలగడ్డ హిలేరియస్ కామెడీ పంచారు. మూవీలో హీరో క్యారెక్టరైజేషన్ కొత్తగా సాగింది. డీజే టిల్లు మూవీ టాలీవుడ్ కల్ట్ బ్లాక్బస్టర్లలో ఒకటిగా నిలిచింది. టిల్లుగా ప్రేక్షకుల్లో గుర్తింపు పొందిన సిద్ధు, ఇప్పుడు మరొక థ్రిల్లింగ్ ఎంటర్టైనర్ ‘టిల్లు స్క్వేర్’తో వస్తున్నాడు.
మరోసారి సిద్దు జొన్నలగడ్డను టిల్లుగా చూడబోతున్నాం. ఈసారి వినోదం మొదటి దానికి రెట్టింపు ఉంటుందని చిత్ర నిర్మాతలు ఇప్పటికే హామీ ఇచ్చారు. సితార ఎంటర్టైన్మెంట్స్ మరియు ఫార్చూన్ ఫోర్ సినిమా పతకాలపై సూర్యదేవర నాగ వంశీ తమ బ్లాక్బస్టర్ ఫిల్మ్ డీజే టిల్లుకు సీక్వెల్ను నిర్మిస్తున్నారు. శ్రీకర స్టూడియోస్ ఈ చిత్రాన్ని సమర్పిస్తోంది.
డీజే టిల్లు చిత్రంలోని సాంగ్స్ యూత్ ని ఊపేశాయి. ముఖ్యంగా సింగర్ రామ్ మిరియాల స్వరపరచి, పాడిన “టిల్లు అన్న డీజే పెడితే” పెద్ద బ్లాక్ బస్టర్ అయ్యింది. ఎక్కడ చూసినా ఈ సాంగ్ వినిపించింది. టిల్లు పాత్రను ఎలివేట్ చేయడంలో సాంగ్ బాగా ఉపయోగపడింది. ఇప్పుడు ‘టిల్లు స్క్వేర్’ కోసం కూడా రామ్ మిరియాల కంపోజ్ చేసి పాడారు. సాంగ్ విడుదల చేశారు. అనుపమ పరమేశ్వరన్ ఫ్లర్ట్ చేస్తున్న టిల్లు యాటిట్యూడ్ అదిరింది. అనుపమ క్యారెక్టర్ బోల్డ్ గా ఉందనిపిస్తుంది.
ఈ పాట జూలై 26న సాయంత్రం 4:05 గంటలకు విడుదలైంది. మాస్ బీట్స్ తో కాలు కదిపేలా హుషారుగా సాగిన ఈ పాట ఎంతగానో ఆకట్టుకుంకుంటుంది. “టిల్లు అన్న డీజే పెడితే” పాట లాగానే, “టికెట్ ఏ కొనకుండా” పాట కూడా పార్టీలు, పబ్ల అనే తేడా లేకుండా ప్రతి చోటా ప్లే అయ్యేలా, యువత అమితంగా ఇష్టపడేలా ఉంది. పబ్లో మరొక అమ్మాయిని కలిసి, ప్రేమించి మళ్ళీ అవే తప్పులు పునరావృతం చేయకుండా టిల్లును హెచ్చరిస్తున్నట్లుగా సాగింది.టిల్లు స్క్వేర్ చిత్రం డీజే టిల్లుకి మించి సరికొత్త వినోదాన్ని అందించబోతుందని స్పష్టమవుతోంది. అనుపమ పరమేశ్వరన్ కథానాయికగా నటిస్తోంది. సాంగ్ ప్రోమోలో ఆమె లుక్, డైలాగ్స్ వైరల్ అయ్యాయి. మొత్తానికి ఈ పాట టిల్లు స్క్వేర్ పై అంచనాలు మరో స్థాయికి తీసుకెళ్లింది.
