టాలీవుడ్ టాప్ హీరోయిన్ సమంత, హిందీ విలక్షణ నటుడు మానోజ్ బాజ్ పాయ్ ప్రధాన పాత్రలో రూపొందిన వెబ్ సిరీస్ ‘ది ఫ్యామిలీ మ్యాన్2’. మొదటి సిరీస్ హిట్ కావడంతో దానికి కొనసాగింపుగా అమెజాన్ ప్రైమ్ వీడియోలో రెండో సీజన్ ప్రసారం కాబోతోంది. అయితే ఫ్యామిలీ మ్యాన్ 2 విడుదలకు ముందు నెటిజన్లు, ప్రేక్షకుల నుంచి తీవ్ర వ్యతిరేకతను మూటగట్టుకుంది. హీరోయిన్ సమంతపై నెటిజన్లు ట్రోలింగ్ మొదలుపెట్టారు. #ShameOnYouSamantha ట్విట్టర్ లో సోషల్ మీడియాలో ట్రెండ్ చేస్తున్నారు. దీంతో అమెజాన్ ప్రైమ్ వీడియోలో ఈ సిరీస్ ‘ది ఫ్యామిలీ మ్యాన్ 2’ విడుదలకు ముందే బజ్ ను కోల్పోతున్న పరిస్థితి నెలకొంది. ది ఫ్యామిలీ మ్యాన్ 2 ట్రైలర్ విడుదలైన తరువాత, సోషల్ మీడియాలో తీవ్ర ఆగ్రహం.. అసమ్మతి వ్యక్తమైంది. ముఖ్యంగా తమిళ ప్రేక్షకులు దానిపై ఆగ్రహం వ్యక్తం చేశారు. సిరీస్ (జూన్ 4) విడుదలను నిషేధించాలని డిమాండ్ చేస్తున్నారు. దీనికోసం #ShameonYouSamantha ఇప్పుడు ట్రెండింగ్లో ఉంది.
‘ది ఫ్యామిలీ మ్యాన్’ అమెజాన్ ప్రైమ్ వీడియోలో భారతీయ భాషల్లో రిలీజ్ అవుతోంది. గూఢచర్యం నేపషథ్యంలో యాక్షన్ థ్రిల్లర్ గా ఈ వెబ్ సిరీస్ రూపొందింది.. సిరీస్ మొదటి సీజన్ పెద్ద హిట్ అయింది. ఫ్యామిలీ మ్యాన్ సోషల్ మీడియాలో భారీ అభిమానులను కలిగి ఉంది. ఫ్యామిలీ మ్యాన్ వెబ్ సిరీస్ను ‘రాజ్ నిడిమోరు మరియు కృష్ణ డి.కె’ కలిసి రూపొందించారు.. ఈ వెబ్ సిరీస్లో మనోజ్ బాజ్పేయి ‘ది ఫ్యామిలీ మ్యాన్’ టైటిల్ రోల్ పోషిస్తున్నారు. ఇంటెలిజెన్స్ ఆఫీసర్గా తన వృత్తిని దాచడానికి కష్టపడే మధ్యతరగతి వ్యక్తిగా ఆయన కనిపిస్తారు. వెబ్ సిరీస్లో ప్రియమణి, శరద్ కేల్కర్, నీరజ్ మాధవ్, షరీబ్ హష్మి, దలీప్ తాహిల్, సన్నీ హిందూజా, మరియు శ్రేయా ధన్వంత్రి ఉన్నారు. సమంతా అక్కినేని ‘ది ఫ్యామిలీ మ్యాన్’ రెండోసీజన్లో కీలక పాత్ర పోషించింది.
– ట్విట్టర్లో #ShameonYouSamantha పోకడలు
ట్విట్టర్లో తమిళులు సృష్టించిన హ్యాష్ట్యాగ్ ట్రెండ్ అవుతోంది. ‘షేమ్ఆన్ యూ సమంత’ అంటూ సమంతపై ట్రోలింగ్ మొదలుపెట్టారు.. వెబ్ సిరీస్ తమ మనోభావాలను దెబ్బతీస్తుందని తమిళులు ఆగ్రహిస్తున్నారు. సమంత తమిళనాడుకు చెందిన వ్యక్తి కావడంతో ఆమెను టార్గెట్ చేసి ట్రోల్స్ చేస్తున్నారు. ‘ది ఫ్యామిలీ మ్యాన్’ కథలో తమిళలులని అవమానించారని వారు జీర్ణించుకోవడంలేదు. అయితే, చివరికి ‘ది ఫ్యామిలీ మ్యాన్’ విడుదలకు ముందు ‘షేమ్ఆన్ యూ సమంత’ హ్యాష్ట్యాగ్ను సృష్టించారు. ఇది గత రాత్రి ట్విట్టర్లో ట్రెండింగ్ టాపిక్గా మారింది.
Also Read: Samantha opens up on DISPUTES with Naga Chaitanya
– ఫ్యామిలీ మ్యాన్ సీజన్-2’ను ఎక్కడ చూడవచ్చంటే?
ఫ్యామిలీ మ్యాన్ సీజన్ 2 వెబ్ సిరీస్ను అమెజాన్ ప్రైమ్ వీడియో ప్లాట్ఫామ్లో ప్రసారం చేయవచ్చు. చాలా ఎపిసోడ్ల రూపంలో ఈ వెబ్ సిరీస్ అందుబాటులో ఉంటుంది. ది ఫ్యామిలీ మ్యాన్ మొదటి సీజన్ అమెజాన్ ప్రైమ్ వీడియో ప్లాట్ఫామ్లో కూడా ప్రసారం చేయబడింది.
– ఫ్యామిలీ మ్యాన్-2 వెబ్ సిరీస్ వివాదమేంటి?
ఈ సిరీస్లో తమిళులు ఉగ్రవాదులని చూపించారనే విమర్శలు ఉన్నాయి. దీనిపై వారు వ్యతిరేకిస్తున్నారు. ఈ ఊహాగానాలను మేకర్స్ తప్పు పడుతున్నారు. ప్రతి ఒక్కరూ వెబ్ సిరీస్ను చూసిన తర్వాత స్పందించాలని కోరుతున్నారు. శ్రీలంకలో తమిళుల పోరాటంపై ది ఫ్యామిలీ మ్యాన్ నిర్మాతలు అవమానించేలా వెబ్ సిరీస్ లో చూపించారని తమిళ సమాజానికి చెందిన కొంతమంది ఈ వివాదాన్ని లేవనెత్తారు. అయితే, తాము ఎవరినీ కించపరిచేలా తీయలేదని మేకర్స్ ఈ ఆరోపణలను ఖండించారు.
-ఫ్యామిలీ మ్యాన్ విడుదల ఎప్పుడంటే?
ఫ్యామిలీ మ్యాన్-2’ వెబ్ సిరీస్ ఈ ఏడాది ప్రారంభంలో ఫిబ్రవరిలో విడుదల కావాల్సి ఉంది. కానీ, మేకర్స్ కరోనా లాక్ డౌన్ వల్ల దానిని వాయిదా వేశారు. ఈ సిరీస్ జూన్ 4న విడుదల అవుతోంది. అయితే ఎపిసోడ్లు జూన్ 3 అర్ధరాత్రి 12 గంటల తర్వాత అమెజాన్ లో ప్రత్యక్ష ప్రసారం అవుతాయి.
Watch The Family Man 2 @ click here
The Family Man season 2 trailer
