Allu Arjun
Allu Arjun: పుష్ప 2 డిసెంబర్ 5న వరల్డ్ వైడ్ పలు భాషల్లో విడుదల కానుంది. ఈ క్రమంలో అల్లు అర్జున్ నిర్విరామంగా ప్రమోషన్స్ లో పాల్గొంటున్నారు. నార్త్ ఇండియాలో పుష్ప 2 చిత్రం పై విపరీతమైన హైప్ నెలకొని ఉంది. దాన్ని క్యాష్ చేసుకునే క్రమంలో అల్లు అర్జున్ బీహార్ రాజధాని పాట్నాలో ట్రైలర్ లాంచ్ ఈవెంట్ నిర్వహించాడు. దానికి భారీ స్పందన వచ్చింది. తనను ఎంతగానో అభిమానించే నార్త్ ఆడియన్స్ ని ఆయన నేరుగా కలిసినట్లు అయ్యింది. పాట్నా ఈవెంట్ కి రెండు లక్షలకు పైగా అభిమానులు హాజరయ్యారని ఒక అంచనా.
కాగా తెలుగు సినిమాలకు తమిళనాడులో పెద్దగా మార్కెట్ లేదు. సినిమాలో విషయం ఉన్నప్పటికీ వారు ఇతర భాషల చిత్రాలు చూడరు. పక్క ఇండస్ట్రీ హీరోలను ఆదరించరు. దాంతో ఎలాగైనా తమిళనాడులో చెప్పుకోదగ్గ వసూళ్లు రాబట్టాలని అల్లు అర్జున్ చెన్నైలో ప్రీ రిలీజ్ వేడుక ఏర్పాటు చేశాడు. ఇక కేరళలో అల్లు అర్జున్ కి భీభత్సమైన ఫాలోయింగ్ ఉంది. వారి కోసం ఒక ఈవెంట్ అక్కడ నిర్వహించారు.
మరోవైపు దర్శకుడు సుకుమార్ ఒకింత టెన్షన్ పెట్టాడు. విడుదలకు పది రోజుల ముందు షూటింగ్ పూర్తి చేశాడు. మరోసారి పుష్ప వాయిదా అనే పుకార్లు కూడా చెలరేగాయి. వివిధ భాషల్లో విడుదల చేస్తున్న నేపథ్యంలో సెన్సార్ చాలా కీలకం. అన్ని భాషల్లో చేయించాలి. అందుకోసం ఫస్ట్ కాపీ సిద్ధం చేసి, సెన్సార్ కార్యక్రమాలు ముగించారు. ఈ టెన్షన్స్ మధ్య అల్లు అర్జున్ కి ఓ హీరో చిన్న రిలీఫ్ ఇచ్చాడు. ఆయనకు ఒక గిఫ్ట్ పంపాడు. సదరు హీరో విజయ్ దేవరకొండ.
అల్లు అర్జున్-విజయ్ దేవరకొండ మధ్య మంచి సాన్నిహిత్యం ఉంది. విజయ్ దేవరకొండను అల్లు అర్జున్ బ్రదర్ అని సంబోధిస్తారు. కాగా అల్లు అర్జున్ సినిమా విడుదలకు ముందు విజయ్ దేవరకొండ ఆయనకు గార్మెంట్స్ గిఫ్ట్ గా ఇస్తాడు. విజయ్ దేవరకొండ రౌడీ పేరుతో ఒక గార్మెంట్ బ్రాండ్ నడుపుతున్నాడు. రౌడీ కలెక్షన్ నుండి ఒక షర్ట్.. అల్లు అర్జున్ కి పంపాడు. ఈ విషయాన్ని అల్లు అర్జున్ సోషల్ మీడియా వేదికగా తెలియజేశాడు. అల్లు అర్జున్ కి విజయ్ దేవరకొండ బట్టలు పంపడం ఒక సెంటిమెంట్ గా మారింది.
