Yashmi Gowda
Bigg Boss Telugu 8 : నేడు బిగ్ బాస్ సీజన్ 8 గ్రాండ్ లాంచ్ ఎపిసోడ్ లోనే ఎన్నో ట్విస్టులు అటు ప్రేక్షకులను, ఇటు కంటెస్టెంట్స్ ని షాక్ కి గురి చేసాయి. మొదటి రోజే ఈ సీజన్ లో కెప్టెన్ ఉండరని, రేషన్ ఉండదని నాగార్జున తేల్చి చెప్పేసాడు. కాఫీ కావాలన్నా కూడా టాస్కులు ఆడి గెలిచి సంపాదించుకోవాల్సిందే. ఇప్పటి వరకు ఎన్నడూ చూడని విధమైన ట్విస్టులు ఈ సీజన్ లో అనంతంగా ఉండబోతున్నాయి. ఇకపోతే ఈ సీజన్ లో మొట్టమొదటి కంటెస్టెంట్ గా అడుగుపెట్టిన యష్మీ గౌడ గురించి ప్రత్యేకించి మాట్లాడుకోవాలి. కర్ణాటక ప్రాంతానికి చెందిన ఈ అమ్మాయి తెలుగు ఆడియన్స్ కి ‘నాగ భైరవి’ అనే సీరియల్ ద్వారా హీరోయిన్ గా పరిచయమైంది. జీ తెలుగు లో ప్రసారమైన ఈ సీరియల్ అప్పట్లో పెద్ద హిట్. యష్మీ గౌడ కి మంచి పేరుని తీసుకొచ్చింది.
ఈ సీరియల్ తర్వాత జీ తెలుగులో ప్రసారమయ్యే పలు ఎంటర్టైన్మెంట్ షోస్ కి ఈమె హోస్ట్ గా కూడా వ్యవహరించింది. చూడచక్కని అందంతో కుర్రాళ్ళ మనసులను కొల్లగొట్టే ఈమెకి సోషల్ మీడియా లో మంచి క్రేజ్ కూడా ఏర్పడింది. ఇక రీసెంట్ గా స్టార్ మా ఛానల్ లో ప్రసారమైన బ్లాక్ బస్టర్ సీరియల్ ‘కృష్ణ ముకుంద మురారి’ లో మెయిన్ విలన్ గా నటించి ప్రేక్షకులకు బాగా దగ్గరైంది. ఈమె విలనిజం కి విపరీతమైన నెగటివిటీ రావడంతో ఆ సీరియల్ నుండి మధ్యలోనే తప్పుకుంది. ఆ రేంజ్ లో ఆమె నటించింది అన్నమాట. ఈ సీరియల్ తర్వాత జీ తెలుగు లో ఒక డ్యాన్స్ ప్రోగ్రాం లో పాల్గొని టాప్ 6 కంటెస్టెంట్ గా నిల్చింది. జెమినీ టీవీ లో ప్రసారమైన ‘అను అనే నేను’ సీరియల్ లో కూడా ఈమె విలన్ గా నటించింది. అలా హీరోయిన్ గా, విలన్ గా బుల్లితెర ప్రేక్షకులకు బాగా సుపరిచితమైన యష్మీ గౌడ, సీరియల్ హీరో నిఖిల్ జోడిగా హౌస్ లోకి అడుగుపెట్టింది. ఉన్నది ఉన్నట్టుగా ముక్కుసూటి తనంతో మాట్లాడే ఈమె కారణంగా బోలెడంత కంటెంట్ వస్తుందని చెప్పొచ్చు. ఇది ఇలా ఉండగా ‘కృష్ణ ముకుంద మురారి’ సీరియల్ లో హీరోయిన్ గా చేసిన ప్రేరణ కూడా ఈ షోలో కంటెస్టెంట్ గా అడుగుపెట్టింది.
ఇలా ఒకే సీరియల్ లో హీరోయిన్ గా, విలన్ గా చేసిన వీళ్లిద్దరి మధ్య హౌస్ లో కూడా అలాగే ఉంటుందా?, లేదా మంచి స్నేహితులుగా ముందుకు సాగుతారా అనేది చూడాలి. అయితే యష్మీ గౌడ లో ప్రేక్షకులందరికీ ఆమె నిజాయితీగా మాట్లాడడం బాగా నచ్చింది. తనకి గతంలో ఒక లవ్ స్టోరీ ఉండేదని, కొన్ని సంఘటనల కారణంగా అది బ్రేక్ అయ్యిందని, అందుకు నేనే కారణమని, నా మూడ్ స్వింగ్స్ తట్టుకోలేక నా బాయ్ ఫ్రెండ్ వదిలేసాడని, తప్పు నాదే అని ఒప్పుకుంది. అంతే కాదు ఈమె అబద్దాలు కూడా బాగా ఆడుతుందట, ఇలా ఒక కంటెస్టెంట్ తనలోని నెగటివ్ యాంగిల్స్ ని ఈ రేంజ్ లో ఇప్పటి వరకు ఎవరూ బయట పెట్టలేదు. మొదటి రోజే ప్రేక్షకుల్లో ఆసక్తిని కలిగించిన ఈమె ప్రవర్తన రాబోయే రోజుల్లో ఎలా ఉండబోతుందో చూడాలి.