Teja Sajja: చిన్న సినిమాలుగా వచ్చినా కొన్ని సినిమాలు మాత్రం భారీ హిట్ ను సొంతం చేసుకుంటాయి. మంచి కంటెంట్ ఉంటే ఏ హీరో హీరోయిన్ సినిమాలను అయినా ఆదరిస్తాం అని నిరూపిస్తుంటారు ప్రేక్షకులు. అదే విధంగా హీరో సజ్జ నటించిన హనుమాన్ సినిమాను కూడా ఆదరించారు ప్రేక్షకులు. సంక్రాంతి కానుకగా వచ్చిన హనుమాన్ సినిమా రికార్డులను సృష్టించిన విషయం తెలిసిందే.
తేజ సజ్జా-ప్రశంత్ వర్మ కాంబోలో వచ్చిన హనుమాన్ సినిమా సూపర్ హిట్ ను సొంతం చేసుకొని అందరినీ ఆకట్టుకుంది. అయితే ఈ ప్రాజెక్ట్ లో నటిస్తున్నన్న రోజులు మరో సినిమాకు ఒకే చేయలేదట హీరో. ఈ విషయాన్ని స్వయంగా ఓ ఇంటర్వ్యూలో వెల్లడించారు ఈ సజ్జ. హనుమాన్ సినిమా కోసం 25 సార్లు లుక్ టెస్ట్ చేశారట. ఈ సినిమాలో అన్నీ తాను స్వయంగా చేశానని.. నీళ్లలో సన్నివేశాల కోసం ప్రత్యేక శిక్షణ తీసుకున్నాను అని తెలిపారు సజ్జ.
ఈ సినిమా తీయడానికి రెండున్నర సంవత్సరాలు పట్టిందని.. ఆ సమయంలోనే తను మరే ఇతర ప్రాజెక్ట్ లను కూడా ఒకే చేయలేదు అన్నారు. పూర్తి శ్రద్ద హనుమాన్ సినిమాపైనే పెట్టారట. అయితే అప్పుడు ఆయన వద్దకు 70-75 సినిమాల ఆఫర్లు వచ్చాయట. వాటిలో కనీసం 15 మంచి కథలున్నాయట. అయినా కూడా ఏ సినిమాకు కమిట్ కాలేదు అని చెప్పారు. ఈ సినిమా విజయం ఎంతో సంతోషాన్నిచ్చిందని.. హైదరాబాద్ లో వేసిన ప్రీమియర్లకు వచ్చిన స్పందన చూశాను అని.. ఆ తర్వాత వసూళ్లను పట్టించుకోలేదు అన్నారు. కలెక్షన్ల కంటే ప్రేక్షకాదరణ ముఖ్యం అన్నారు.
జనవరి 12న విడుదలైన హనుమాన్ సినిమా ఇప్పటికే పలు రికార్డులను సొంతం చేసుకుంది. సంక్రాంతి కానుకగా వచ్చిన సినిమాల జాబితాల్లో అత్యధిక వసూళ్లు రాబట్టి నెంబర్ 1గా నిలిచి 92 సంవత్సరాల టాలీవుడ్ రికార్డును తిరగరాసింది సినిమా. ఈ సినిమా హిట్ జోష్ లో ఉన్న దర్శకుడు జై హనుమాన్ సినిమాను తెరకెక్కించనున్నారు. దీన్ని అంతర్జాతీయ సినిమాగా తెరకెక్కించాలని ప్లాన్ చేస్తున్నారట.
