Bigg Boss Telugu 8 : ఈ సీజన్ బిగ్ బాస్ షో ఎందుకో రియల్ గా లేదు, స్క్రిప్ట్ గా నడుస్తుంది అని చాలా మంది ఆడియన్స్ కి అనిపిస్తుంది. ఎందుకంటే బిగ్ బాస్ తీసుకునే నిర్ణయాలు అలా ఉన్నాయి. నాగార్జున వీకెండ్ ఎపిసోడ్స్ అయితే ఈసారి దారుణంగా ఉన్నాయి. ఆయనపై ఏ సీజన్ లో రానంత నెగటివిటీ ఈ సీజన్ లో వచ్చింది. కాన్సెప్ట్స్ ఎవరు డిజైన్ చేస్తున్నారో తెలియదు కానీ, చాలా నాసిరకంగా అనిపిస్తున్నాయి. ఈ వారం టేస్టీ తేజ విషయంలో బిగ్ బాస్ చేసిన టార్చర్ మామూలుది కాదు. గత వారం ఆయన వరస్ట్ కంటెస్టెంట్ గా ఎంపికైనందుకు నాగార్జున టేస్టీ తేజ కుటుంబాన్ని ఫ్యామిలీ వీక్ నుండి బహిష్కరించాడు. దీనికి టేస్టీ తేజ నాలుగు రోజుల నుండి నరకం అనుభవిస్తూ వచ్చాడు. తన తోటి హౌస్ మేట్స్ కి సంబంధించిన కుటుంబాలు వచ్చి వెళ్తుండడం చూసి తేజ వెక్కిళ్లు పెట్టి ఏడ్చేశాడు. అయితే నిన్న రాత్రి తేజ అమ్మ బిగ్ బాస్ హౌస్ లోకి వచ్చింది.
ఆ ఎపిసోడ్ నేడు టెలికాస్ట్ కానుంది. దీనికి సంబంధించిన ప్రోమో కాసేపటి క్రితమే విడుదల చేసారు. ఈ ప్రోమో లో తేజ వాళ్ళ అమ్మ హౌస్ లోపలకు అడుగుపెట్టిన వెంటనే అతనిలోని ఆనందాన్ని చూసి ఆడియన్స్ కళ్ళు చెమర్చాయి. హౌస్ మేట్స్ కూడా చాలా ఎమోషనల్ అయ్యారు. తేజ ఇన్ని రోజులు కెమెరాల ముందు సానుభూతి కోసం డ్రామాలు ఆడుతున్నడని చాలా మంది అనుకున్నారు. కానీ అది డ్రామా కాదు, నిజమైన ఎమోషన్ అని నేడు తేజలోని ఆనందాన్ని చూసిన తర్వాత ఆడియన్స్ కి అర్థమైంది. ఇదంతా పక్కన పెడితే బిగ్ బాస్ టీం మాత్రం కేవలం టీఆర్ఫీ రేటింగ్స్ కోసమే ఈ ట్రిక్స్ ప్లే చేసినట్టు అందరికీ అనిపిస్తుంది. తేజ అనేక సార్లు కెమెరాల ముందుకు వెళ్లి బిగ్ బాస్ రిక్వెస్ట్ చేయడం వల్లే ఆయన అమ్మ హౌస్ లోపలకు వచ్చిందని అందరూ అనుకునేట్టు బిగ్ బాస్ టీం స్క్రిప్ట్ ఆడియన్స్ కి అర్థం అయ్యేలా చేసే ప్రయత్నం చేసారు.
కానీ ఆడియన్స్ ఇలాంటివి ఎన్ని చూసుంటారు, నాగార్జున ఈ విషయం ప్రకటించిన రోజే ఆడియన్స్ కి అర్థమైంది. ఇప్పుడు ఇలాగే అంటారు, ఆ తర్వాత హౌస్ లోపాలకి పంపుతారు అని సోషల్ మీడియా లో నెటిజెన్స్ కామెంట్స్ చేయడం మీరందరు చూసే ఉంటారు. ఆడియన్స్ అంత తెలివిగా ఉన్నప్పుడు బిగ్ బాస్ టీం ఇలాంటి కాన్సెప్ట్స్ ని ఎందుకు డిజైన్ చేసారు, అందుకే ఈ సీజన్ స్క్రిప్టెడ్ అని ఆడియన్స్ కి అర్థం అవ్వబట్టే, అనుకున్న రేంజ్ టీఆర్ఫీ రేటింగ్స్ రాలేదని అంటున్నారు విశ్లేషకులు. ఇదంతా పక్కన పెడితే ఈరోజు జరగబోయే మెగా చీఫ్ టాస్క్ చాలా ఆసక్తికరంగా ఉండబోతుంది. అవినాష్ హౌస్ మేట్స్ అందరిని ఓడించి రెండవసారి మెగా చీఫ్ అయ్యినట్టు సమాచారం.
