Tanuja And Kalyan: ‘బిగ్ బాస్ 9′(Bigg Boss 9 Telugu) పూర్తి అయ్యి దాదాపుగా 50 రోజులు కావొస్తుంది. కానీ కంటెస్టెంట్స్ గురించి చర్చలు మాత్రం సోషల్ మీడియా లో అసలు ఆగడం లేదు. ముఖ్యంగా పవన్ కళ్యాణ్(Pawan Kalyan), తనూజ(Tanuja), డిమోన్ పవన్(Demon Pavan), రీతూ చౌదరి(Ritu Chowdary)..వీళ్ళ పేర్లు సోషల్ మీడియా లో ఇప్పటికీ వినిపిస్తూనే ఉన్నాయి. ముఖ్యంగా కళ్యాణ్, తనూజ జోడీని ఇష్టపడే వాళ్ళు చాలా మంది ఉన్నారు. వీళ్ళిద్దరిలో పవన్ కళ్యాణ్ టైటిల్ విన్నర్ గా నిలబడగా, తనూజ రన్నర్ గా నిల్చింది. తెలుగు బిగ్ బాస్ హిస్టరీ లో క విన్నర్ , రన్నర్ ఒకరికోసం ఒకరు అడ్డంగా నిలబడడం అనేది ఎప్పుడూ జరగలేదు. వీళ్ళ మధ్య ఉన్నది స్నేహ బంధమో, లేదా ప్రేమ బంధమో తెలియదు కానీ, కచ్చితంగా స్నేహానికి మించిన బంధమే అని చెప్పడంలో ఎలాంటి సందేహం లేదు. అయితే వీళ్లిద్దరు బయటకు వచ్చిన తర్వాత వీళ్ళ అభిమానుల మధ్య చాలా గొడవలే జరిగాయి.
తనూజ కి కళ్యాణ్ అంటే నిజమైన ఇష్టం లేదు, హౌస్ నుండి బయటకు వచ్చిన తర్వాత ఇప్పటి వరకు అతన్ని కలవకపోవడమే అందుకు కారణం, బిగ్ బాస్ హౌస్ లో కేవలం తన అవసరాలు కోసం మాత్రమే అతన్ని వాడుకుంది అంటూ పవన్ కళ్యాణ్ ఫ్యాన్స్ తనూజ పై అటాక్ చేయడం మొదలు పెట్టారు. మరోపక్క తనూజ ఫ్యాన్స్ కూడా ఇదే తరహా వాదనలు చేసేవారు. అసలు కళ్యాణ్ తనూజ వల్లనే టైటిల్ విన్నర్ అయ్యాడు, వీళ్ళ కంటెంట్ జనాల్లో పాజిటివ్ గా వెళ్తుందని, అది తనకే బాగా కలిసొచ్చింది అనే విషయాన్ని గ్రహించిన కళ్యాణ్ తన గేమ్ కోసమే తనూజ ని వాడుకున్నాడు అని ఆయన పైన కూడా ట్రోల్స్ వేశారు. ఇలా ఇద్దరు అభిమానులు పరస్పరం కొట్టుకోవడం, తనూజ, కళ్యాణ్ లు ఇన్ స్టాగ్రామ్ ద్వారా అభిమానులకు వివరణ ఇవ్వడం వరకు వచ్చింది.
అయితే వీళ్లిద్దరు కలవలేదు అనే రూమర్స్ కి ఇక చెక్ పడినట్టే అనుకోవచ్చు. ఎందుకంటే త్వరలోనే స్టార్ మా ఛానల్ లో ‘BB ఉత్సవం’ అనే ప్రోగ్రాం ప్రసారం కానుంది. ఈ ప్రోగ్రాం లో తనూజ, కళ్యాణ్ లతో పాటు సీజన్ కి సంబంధించిన కంటెస్టెంట్స్ అందరూ పాల్గొన్నారు. మొన్ననే షూటింగ్ కూడా పూర్తి అయ్యింది. ఈ షూటింగ్ కి సంబంధించిన వీడియోలు కొన్ని సోషల్ మీడియా లో లీక్ అయ్యాయి. ఒక వీడియో లో తనూజ కళ్యాణ్ కి ఉంగరం తొడగడం హాట్ టాపిక్ గా మారింది. వామ్మో వీళ్ళ మధ్య మ్యాటర్ నడవడం లేదు, ఏకంగా పరుగులు తీస్తోంది అంటూ సోషల్ మీడియా లో ఈ వీడియో ని చూసిన వాళ్ళు కామెంట్స్ చేస్తున్నారు. అంతే కాదు, ఈ ఈవెంట్ లో వీళ్లిద్దరు కలిసి ‘చుట్టమల్లే చుట్టేశావే’ పాటకు చిందులేసారట, అది కూడా చాలా బాగా వచ్చినట్టు తెలుస్తోంది.
