Saif Ali Khan's character
Devara Movie : టాలీవుడ్ ఆడియన్స్ తో పాటు బాలీవుడ్, కోలీవుడ్ మరియు మాలీవుడ్ ఆడియన్స్ మొత్తం ఇప్పుడు ఎంతో ఆతృతగా ఎదురు చూస్తున్న చిత్రాలలో ఒకటి ఎన్టీఆర్ నటించిన ‘దేవర’ చిత్రం. ఈ నెల 27 వ తారీఖున ఈ చిత్రం కనీవినీ ఎరుగని రేంజ్ భారీ అంచనాల నడుమ ప్రేక్షకుల ముందుకు రాబోతుంది. నేడు ఈ సినిమాకి సంబంధించిన థియేట్రికల్ ట్రైలర్ ని విడుదల చేసారు. ఈ ట్రైలర్ ఔట్పుట్ పై ఫ్యాన్స్ మరియు ఆడియన్స్ నుండి ఆశించిన స్థాయిలో రెస్పాన్స్ రాలేదు. కానీ ట్రైలర్ ని చూసిన తర్వాత అనిపించింది ఏమిటంటే ఎన్టీఆర్ మరో రెండు విభిన్నమైన పాత్రలతో నట విశ్వరూపం చూపించబోతున్నాడని. ఈ ట్రైలర్ లో ఎన్టీఆర్ తో పాటుగా, విలన్ గా నటించిన సైఫ్ అలీ ఖాన్ కూడా బాగా హైలైట్ అయ్యాడు.
చూస్తుంటే వీళ్లిద్దరి మధ్య వచ్చే సన్నివేశాలు ఈ చిత్రానికి హైలైట్ గా నిలిచే అవకాశాలు ఉన్నాయి. ఇదంతా పక్కన పెడితే సైఫ్ అలీ ఖాన్ పాత్ర గురించి కొరటాల శివ చాలా హోమ్ వర్క్ చేసినట్టు తెలుస్తుంది. ముందుగా ఈ పాత్ర కోసం ప్రముఖ తమిళ స్టార్ హీరో చియాన్ విక్రమ్ తో చేయించాలని తెగ ప్రయత్నాలు చేసారు. కానీ విక్రమ్ ఎందుకో ఒప్పుకోలేదు. క్యారక్టర్ పవర్ ఫుల్ గానే ఉన్నప్పటికీ, విక్రమ్ కి ఎందుకో అది ఛాలెంజింగ్ గా అనిపించలేదట. అందుకే ఆ పాత్రలో నటించడానికి నో చెప్పాడు. ఇక ఆ తర్వాత విజయ్ సేతుపతి ని కూడా సంప్రదించారట. ఆయనకీ ఈ పాత్ర చాలా బాగా నచ్చింది, కానీ డేట్స్ సర్దుబాటు కాలేదు. ‘దేవర’ టీం ఆయన డేట్స్ కోసం ఆ తర్వాత కూడా చాలా ప్రయత్నాలు చేసారు కానీ కుదర్లేదు. చివరికి బాలీవుడ్ లో అప్పుడప్పుడే క్యారక్టర్ రోల్స్ చేస్తున్న సైఫ్ అలీ ఖాన్ ని ఈ పాత్ర కోసం తీసుకున్నారు. హీరోతో సరిసమానంగా ఢీ అంటే ఢీ అన్నట్టుగా సైఫ్ అలీ ఖాన్ పాత్రని కొరటాల శివ తీర్చి దిద్దినట్టు తెలుస్తుంది. ఈ సినిమాలో ఆయన భయం అంటే ఏంటో తెలియని వ్యక్తి పాత్రలో నటిస్తున్నాడు.
సైఫ్ అలీ ఖాన్ పుట్టినరోజు నాడు, ఆయనకీ సంబంధించిన ప్రత్యేకమైన టీజర్ ని కూడా విడుదల చేసిన సంగతి అందరికీ తెలిసిందే. ఆ టీజర్ లో కానీ, ఈరోజు విడుదలైన ట్రైలర్ లో కానీ, కొరటాల సైఫ్ అలీ ఖాన్ ని ఎంత పవర్ ఫుల్ గా చూపించాడో అర్థం అవుతుంది. ఈ క్యారక్టర్ విక్రమ్ ఒప్పుకొని చేసుంటే, ‘దేవర’ రేంజ్ మరింత పెరిగేది. ముఖ్యంగా తమిళ బాక్స్ ఆఫీస్ షేక్ అయ్యేది, కానీ దురదృష్టం కొద్దీ ఆయన ఈ సినిమాలో నటించలేకపోయాడు. భవిష్యత్తులో అయినా విక్రమ్, ఎన్టీఆర్ కాంబినేషన్ లో ఒక సినిమా వస్తే బాగుంటుంది అని అనుకుంటున్నారు అభిమానులు. ప్రస్తుతం మల్టీస్టార్రర్ ట్రెండ్ నడుస్తుంది కాబట్టి భవిష్యత్తులో వీళ్ళ కాంబినేషన్ సినిమా చూడొచ్చు.