Tamanna: మిల్క్ బ్యూటీ తమన్నాకి ఇంకా ఆశ తగ్గలేదు. తనతో పాటు హీరోయిన్ గా ఎంట్రీ ఇచ్చిన హీరోయిన్లు ఎప్పుడో పేడ్ అవుట్ అయిపోయి.. అలాగే పెళ్లి కూడా చేసుకుని లైఫ్ లో సెటిల్ అయిపోయారు. కానీ, తమన్నా మాత్రం ఇంకా అవకాశాల కోసం అర్రులు చాస్తోన్న ఉంది. ‘ఈ ముదురు హీరోయిన్ మాకొద్దు మహాప్రభో’ అంటూ యంగ్ హీరోలు మొత్తుకుంటున్నా తమన్నా మాత్రం తనకున్న పరిచయాలతో అవకాశాలను అందిపుచ్చుకుంటూనే ఉంది.
ఒకపక్క తనతో వచ్చిన హీరోయిన్లు పెళ్లిళ్లు చేసుకుని పిల్లలను కూడా కంటున్నారు. కానీ తమన్నా మాత్రం ఇంకా రెమ్యునరేషన్ల లెక్కలే చూసుకుంటూ టైం పాస్ చేస్తోందని ఆమె పై తోటి హీరోలే కామెంట్స్ చేస్తున్నారు. పైగా తమన్నా సినిమాలు తగ్గాక తనకున్న అభిరుచులను కూడా మార్చుకుంటుంది. నిజానికి తమన్నా హారర్ జానర్ సినిమాలు ఇక చేయను అని గతంలో చాలా సార్లు చెప్పింది.
ఓ హారర్ సినిమా విషయంలో తమన్నాకి ఎదురైన అనుభవాల రీత్యా మిల్క్ బ్యూటీ ఆ నిర్ణయం తీసుకుంది. కానీ, ఇప్పుడు తన మనసు మార్చుకుంటుంది. డబ్బులు వస్తున్నాయి కదా అని, చివరికి వరుసగా హారర్ చిత్రాలు ఒప్పుకుంటుంది. అయినా ఇక్కడ తమన్నాని తప్పు పట్టేది ఏమి లేదు లేండి. ఫేడ్ అవుట్ దశలో ఉన్న ప్రతి హీరోయిన్ ఇలాగే వచ్చిన ఛాన్స్ లను క్యాష్ చేసుకోవాలనే చూస్తోంది.
తమన్నా కూడా అలాగే చూస్తోంది. కాకపోతే.. తమన్నా ఓన్లీ క్యాష్ మాత్రమే చూస్తోంది. తమన్నా చేతిలో ఇంకా ఎఫ్ 3, మెగాస్టార్ సినిమా ఇలా మంచి సినిమాలే ఉన్నాయి. అలాగే తమిళ స్టార్ హీరో విజయ్ తో కూడా తమన్నా ఒక సినిమా చేయబోతుంది. అయితే, ఇప్పుడు కొత్తగా చిన్నాచితకా చిత్రాల పై కూడా పడింది. గత నెల ఒక హారర్ సినిమా ఒప్పుకున్న సంగతి తెలిసిందే.
Also Read: Actor Dhanush: మరో తెలుగు సినిమాకి ఓకే చెప్పిన ధనుష్… టైటిల్ అనౌన్స్ ఎప్పుడంటే ?
ఇప్పుడు మళ్ళీ హారర్ జోనర్ లోనే మరో సినిమా ఒప్పుకుంది. అదేమిటి అంటే ? నటిగా అన్ని రకాల కథలు, పాత్రలు చేయాల్సిన అవసరం ఉందని, కాబట్టే.. హారర్ జానర్ లో సినిమాలు చేస్తున్నానని చెప్పుకొచ్చింది. భాస్కర్ అనే కొత్త దర్శకుడి దర్శకత్వంలో తమన్నా ఓ హారర్ సినిమా చేయనుంది.
