Sudigali Sudheer Birthday: హ్యాపీ బర్త్ డే సుధీర్.. ఇలాగే దూసుకు వెళ్లిపో.. పెద్ద హీరోవైపో

Sudigali Sudheer Birthday: వెండితెరపై మినిమమ్ గ్యారంటీ హీరోలు ఎలా ఉంటారో.. బుల్లితెరపై కూడా మిననమ్ గ్యారంటీ హీరోలు ఉంటారు. ఆ కోవకు చెందిన వాడే సుడిగాలి సుధీర్. సుడిగాలి సుధీర్‌ కి బుల్లితెర పై విపరీతమైన క్రేజ్ ఉంది. మహిళా ప్రేక్షకుల్లో కూడా అతని అల్లరికి అభిమానులు ఉన్నారు. ఈ రోజు సుధీర్ పుట్టినరోజు. ఈ సందర్భంగా సోషల్ మీడియాలో సుధీర్ కి పుట్టినరోజు శుభాకాంక్షలు చెప్పడానికి అభిమానులు పోటీ పడుతున్నారు.

అలాగే సుధీర్ తో ప్రస్తుతం సినిమాలు చేస్తున్న మేకర్స్ కూడా వరుస సినిమా ప్రకటనలతో బర్త్ డే విషెష్ చెబుతున్నారు. సుధీర్ హీరోగా ప్రస్తుతం గాలోడు, కాలింగ్ సహస్ర, పండుగాడ్’ అనే సినిమాలు తెరకెక్కుతున్నాయి. హ్యాపీ బర్త్ డే అంటూ ఈ మూడు సినిమాల నుంచి మేకర్స్ బర్త్ డే పోస్టర్స్ ను రిలీజ్ చేశారు. ఇటు బుల్లి తెరపై, అటు వెండి తెరపై.. కష్టం, శ్రమ, ప్రతిభ.. అనే కవచాలతో, సుధీర్ తన లక్ష్యాన్ని మించి దూసుకువెళ్తున్నాడు.

Also Read: Jabardasth : జబర్ధస్త్ లో సుధీర్, గెటప్ శ్రీను లేక ఒంటరైన రాంప్రసాద్ ఏం చేశాడంటే?

సుధీర్ చూడటానికి కామెడీగా కనిపించినా.. ప్రతిభకు నిలువెత్తు నిదర్శనం. రోడ్ల పై మ్యాజిక్ చేసే దగ్గర నుంచి.. బుల్లితెర పై మ్యాజిక్ చేసే స్థాయికి ఎదిగిన రియల్ హీరో. నటుడు అవ్వాలని ఆశ పడే సాధారణ కుర్రాళ్లకు సుధీర్ నిజమైన ఆదర్శం. ప్రతి అవకాశంలోనూ ప్రతిభను కనబరచాలని సుధీర్ నమ్ముతాడు.

మొదట్లో తనకు నటుడిగా గుర్తింపు రాకపోయినా.. తనలోని ప్రతిభనే నమ్ముకొని టీవీ షోలలో సక్సెస్ అయ్యాడు. తన ప్రతీ స్కిట్ లో ఏదో ఓ వైవిధ్యం ఉండేలా చూసుకునే టీవీ నటుల్లో సుధీర్ కూడా ఒకరు. ఏమి లేని రోజుల్లో రూపాయి ఆవకాయ పచ్చడితో కడుపు నింపుకుని పైకి వచ్చాడు. అందుకే, రూపాయి విలువ బాగా తెలిసిన వాడు సుధీర్.

ఎన్నో కష్టాలు అనుభవించిన సుధీర్.. ఇప్పుడు బుల్లితెరపై సంచలనం. సుధీర్ స్కిట్‌లు మిలియన్ల వ్యూస్ కొల్లగొట్టడమే కాదు.. రేటింగ్స్‌లోనూ దుమ్ముదులుపుతున్నాయి. అలాగే కమెడియన్‌గా, హీరోగా సత్తా చాటాలని సుధీర్ కష్టపడుతున్నాడు. నష్టాన్ని నమ్ముకుని ఒక్కోమెట్టూ ఎక్కుతున్న సుధీర్.. హీరోగా కూడా మరిన్ని విజయాలు అందుకోవాలని కోరుకుంటూ హ్యాపీ బర్త్ డే సుధీర్.

Also Read:Keerthy Suresh Devakanya Look: ఎవరీ దేవకన్య.. సోషల్ మీడియాని ఊపేస్తోందే

Recommended Videos