Michael Jackson biopic low opening India: పాన్ ఇండియా లెవెల్ లో మాత్రమే కాదు , పాన్ వరల్డ్ లెవెల్ లో బయోపిక్ మూవీస్ పై ఆడియన్స్ చూపించే ఆసక్తి వేరే లెవెల్ లో ఉంటుంది. ముఖ్యంగా లెజెండ్స్ గా , ప్రేక్షకుల గుండెల్లో చిరస్థాయిగా నిలిచిపోయి , కోట్లాది మంది హృదయాలను గెల్చుకునే తారల బయోపిక్స్ కి మామూలు క్రేజ్ ఉండదు. అలా అమెరికన్ పాప్ సింగర్ / డ్యాన్సర్ మైఖేల్ జాక్సన్ కి ప్రపంచవ్యాప్తంగా ఏ రేంజ్ క్రేజ్ ఉందో ప్రత్యేకించి చెప్పనవసరం లేదు. జీవితం లో ఒక్కసారైనా ఈ లెజెండ్ లైవ్ పెర్ఫార్మన్స్ ని చూడాలనే కోరికతో ఆరోజుల్లో జనాలు ఉండేవారు. అంతటి క్రేజ్ ని సొంతం చేసుకున్న ఈ లెజెండ్ బయోపిక్ గా హాలీవుడ్ లో ‘మైఖేల్’ అనే చిత్రం తెరకెక్కింది. ఈ చిత్రం లో మైఖేల్ జాక్సన్ పాత్రలో మైఖేల్ అల్లుడు ‘జాఫర్ జాక్సన్’ నటించాడు.
విడుదలకు ముందు ఈ చిత్రానికి సంబంధించిన ప్రోమోలు , పాటలకు సంబంధించిన వీడియోలు చూసి , మైఖేల్ జాక్సన్ కిందకు దిగి వచ్చినట్టుంది , ఎవరీ కుర్రాడు అని అంతా అనుకున్నారు. ఆ రేంజ్ లో పోలికలు కలవడానికి ప్రధాన కారణం , జాఫర్ జాక్సన్ స్వయంగా మైఖేల్ జాక్సన్ తో రక్త సంబంధం ఉండడం వల్లే. అయితే నిన్న ప్రపంచవ్యాప్తంగా అన్ని భాషల్లోనూ గ్రాండ్ గా విడుదలైన ఈ చిత్రానికి మంచి రెస్పాన్స్ వచ్చింది . ముఖ్యంగా ఐమాక్స్ లో ఈ చిత్రాన్ని చూస్తున్నప్పుడు , మైఖేల్ జాక్సన్ లైవ్ పెర్ఫార్మన్స్ మన ముందుకు వచ్చి ఇస్తున్నట్టుగా అనిపించిందంటూ సోషల్ మీడియా లో నెటిజెన్స్ చెప్పుకొచ్చారు. అయితే ఈ చిత్రానికి ప్రపంచవ్యాప్తంగా మంచి ఓపెనింగ్ వచ్చింది కానీ , ఇండియా వైడ్ గా మాత్రం గొప్ప ఓపెనింగ్స్ దక్కలేదని అంటున్నారు ట్రేడ్ విశ్లేషకులు.
ఇండియా లో అన్ని ప్రాంతీయ భాషలకు కలిపి ఈ చిత్రానికి కేవలం 7 కోట్ల రూపాయిల గ్రాస్ వసూళ్లు మాత్రమే వచ్చిందట. కానీ నార్త్ అమెరికా లో మాత్రం ఈ చిత్రానికి మొదటి రోజున 40 మిలియన్ల డాలర్లు వచ్చినట్టు తెలుస్తోంది. ఇదే ట్రెండ్ కొనసాగితే కేవలం నార్త్ అమెరికా నుండే ఈ చిత్రానికి వీకెండ్ లో 90 మిలియన్ డాలర్ల గ్రాస్ వస్తుందని అంటున్నారు. ఓవరాల్ గా మొదటి రోజు ఈ చిత్రానికి ప్రపంచవ్యాప్తంగా 70 మిలియన్ డాలర్ల గ్రాస్ వసూళ్లు వచ్చాయని , వీకెండ్ కి కచ్చితంగా 200 మిలియన్ల డాలర్ల గ్రాస్ ని రాబడుతుందని , ఫుల్ రన్ లో 1 బిలియన్ డాలర్ల గ్రాస్ ని రాబట్టే అవకాశాలు ఉన్నాయని అంటున్నారు ట్రేడ్ విశ్లేషకులు.
