Sreeleela dating rumors: నిన్నటి నుండి సోషల్ మీడియా లో శ్రీలీల ప్రముఖ యంగ్ క్రికెటర్ తిలక్ వర్మ తో డేటింగ్ లో ఉన్నట్టు పెద్ద ఎత్తున వార్తలు చక్కర్లు కొట్టాయి. అందుకు కారణం డీసెంట్ గా ధర్మశాల క్రికెట్ స్టేడియం లో జరిగిన ముంబై ఇండియన్స్ వెర్సస్ పంజాబ్ కింగ్స్ IPL మ్యాచ్ లో ఆమె దర్శనం ఇవ్వడమే. ఎందుకంటే శ్రీలీల కర్ణాటక ప్రాంతానికి చెందిన అమ్మాయి, ఆమె సపోర్టు కేవలం రాయల్ చాలెంజర్స్ బెంగళూరు టీం కి మాత్రమే ఉండాలి , అలాంటిది ముంబై ఇండియన్స్ కి సపోర్టు గా వచ్చిందంటే కచ్చితంగా తిలక్ వర్మ కోసమేనని , గతం లో కూడా అనేక ముంబై క్రికెట్ మ్యాచులకు ఆమె వచ్చిందని , తిలక్ వర్మ కూడా ప్రస్తుతం ప్రేమలో ఉన్నాడు కాబట్టి , ఆయన ప్రేయసి శ్రీలీల నే అయ్యి ఉంటుందని , ఇలా ఎన్నో రకాల విశ్లేషణలు సోషల్ మీడియా లో వచ్చాయి.
అయితే ఈ విషయం పై శ్రీలీల టీం కూడా వెంటనే స్పందించింది. సోషల్ మీడియా లో జరుగుతున్న ప్రచారం లో అసలు ఎలాంటి నిజం లేదని , ఇప్పటి వరకు శ్రీలీల , తిలక్ వర్మ లు కనీసం కలుసుకోలేదని చెప్పుకొచ్చారు. దీంతో తిలక్ వర్మ తో డేటింగ్ రూమర్స్ కి చెక్ పడినట్టు అయ్యింది. ఇదంతా పక్కన పెడితే శ్రీలీల జోరు ఈమధ్య టాలీవుడ్ లో బాగా తగ్గిపోయింది. ఆమె చివరి చిత్రం ‘ఉస్తాద్ భగత్ సింగ్’ రీసెంట్ గానే భారీ అంచనాల నడుమ విడుదలైన ఈ సినిమా ఘోరమైన డిజాస్టర్ ఫ్లాప్ గా నిల్చింది. అంతకు ముందు విడుదలైన సినిమాలన్నీ కూడా ఫ్లాప్ అయ్యాయి. ఈమె కెరీర్ లో సూపర్ హిట్ గా నిల్చిన చిత్రాలు కేవలం రెండు మాత్రమే, అందులో ఒకటి ‘ధమాకా’ కాగా , మరొకటి ‘భగవంత్ కేసరి’.
ఇలా వరుసగా ఫ్లాప్స్ రావడం తో ఆమెకు టాలీవుడ్ అవకాశాలు ఇచ్చేందుకు నిర్మాతలు భయపడుతున్నారని, ఇక టాలీవుడ్ లో శ్రీలీల కెరీర్ ఖతం అయ్యినట్టే అంటూ విశ్లేషకులు కామెంట్స్ చేశారు. కానీ శ్రీలీలకి ఇప్పటికీ అవకాశాలు క్యూలు కడుతూనే ఉన్నాయట , స్వయంగా ఆమెనే కాస్త బ్రేక్ ఇవ్వాలని నిర్ణయం తీసుకున్నారు తెలుస్తోంది. ఎందుకంటే హడావడిగా సినిమాలు ఒప్పుకొని చేయడం వల్ల ఫ్లాప్స్ వస్తున్నాయి, అందుకే ఈసారి జాగ్రత్తగా స్క్రిప్ట్ సెలక్షన్ ఉండాలని నిర్ణయం తీసుకుందట. అంతే కాకుండా రీసెంట్ గానే ఈమె MBBS డిగ్రీ పొందింది , పై చదువులు కూడా చదవాలి అనుకుంటుందట , అందుకే కొంతకాలం చదువు మీద ద్రుష్టి పెట్టాలని అనుకుంటుందట , అందుకే కొంతకాలం టాలీవుడ్ సినిమాలకు దూరంగా ఉండాలని నిర్ణయించుకుంది. కానీ తమిళం లో రెండు సినిమాలు చేయడానికి గ్రీన్ సిగ్నల్ ఇచ్చింది, ఇవి మాత్రం పూర్తి చేస్తుందట.
