Spirit movie shooting in Hyderabad: ప్రస్తుతం రెబల్ స్టార్ ప్రభాస్ చేస్తున్న చిత్రాల్లో అభిమానులతో పాటు , ప్రేక్షకుల్లో కూడా విపరీతమైన అంచనాలను ఏర్పాటు చేసుకున్న చిత్రం ‘స్పిరిట్’. ‘యానిమల్’ వంటి సెన్సేషనల్ బ్లాక్ బస్టర్ తర్వాత సందీప్ వంగ నుండి తెరకెక్కుతున్న చిత్రం కావడం , అది కూడా బలమైన పోలీస్ బ్యాక్ డ్రాప్ తెరకెక్కే యాక్షన్ సినిమా కావడం తో ఈ సినిమా పై ఆ స్థాయి అంచనాలు ఏర్పడ్డాయి. అయితే ప్రభాస్ కి ఒకేసారి రెండు మూడు సినిమాల షూటింగ్స్ లో పాల్గొనడం అలవాటు అనే సంగతి మన అందరికీ తెలిసిందే. ఆ కారణం చేత ‘స్పిరిట్’ మూవీ షూటింగ్ కాస్త ఆలస్యం అయ్యింది , కానీ రీసెంట్ గానే ఈ సినిమా షూటింగ్ గ్రాండ్ గా మొదలైంది. ఒక్క రోజు గ్యాప్ కూడా లేకుండా షూటింగ్ చేస్తున్నారు.
ఇటీవలే ప్రభాస్, హీరోయిన్ త్రిప్తి దిమిరి పై పలు సన్నివేశాలను తెరకెక్కించిన డైరెక్టర్ సందీప్ వంగ, నిన్న హైదరాబాద్ లోని మూవీ లవర్స్ కి లేటెస్ట్ ఫేవరేట్ స్పాట్ గా మారిన విమల్ థియేటర్ లో షూటింగ్ చేసాడు. వర్షం బ్యాక్ డ్రాప్ లో ఒక భారీ యాక్షన్ సన్నివేశాన్ని ఈ థియేటర్ లో తెరకెక్కించారు. కేవలం ఒక్క రోజు మాత్రమే ఈ థియేటర్ లో షూటింగ్ జరిగిందట. నేటి నుండి గ్లోబల్ స్టార్ రామ్ చరణ్ నటించిన ‘పెద్ది’ మూవీ ప్రదర్శితం అవ్వనుంది. అయితే పాన్ ఇండియా లెవెల్ లో విపరీతమైన క్రేజ్ ని తెచ్చుకున్న ‘స్పిరిట్’ వంటి బడా మూవీ షూటింగ్ హైదరాబాద్ విమల్ థియేటర్ లో జరిపించడం నిజంగా విశేషమే. ఈ థియేటర్ ని మైత్రీ మూవీ మేకర్స్ సంస్థ రన్ చేస్తున్న సంగతి తెలిసిందే. క్వాలిటీ పరంగా ఎలాంటి రాజీ లేకుండా రీ మోడలింగ్ చేసిన విమల్ థియేటర్ లో సినిమా తో సంబంధం లేకుండా హౌస్ ఫుల్స్ నమోదు అవుతుంటాయి.
ఇప్పుడు ప్రభాస్ మూవీ షూటింగ్ అక్కడ జరిగింది అనే క్రేజ్ తో ఈ థియేటర్ లో ఫుట్ ఫాల్స్ ఇంకా భారీ రేంజ్ లో పెరుగుతాయని అంటున్నారు ట్రేడ్ విశ్లేషకులు. అయితే ప్రభాస్ ‘స్పిరిట్’ మూవీ షూటింగ్ విమల్ థియేటర్ లో జరుగుతుంది అనే విషయం సోషల్ మీడియా లో బాగా వ్యాప్తి చెందడం తో అభిమానులు వేల సంఖ్యలో థియేటర్ వద్ద చేరుకున్నారు. ప్రభాస్ ని చూడగానే అదుపుతప్పిన ఉత్సాహం తో కాస్త ఉద్రిక్తత వాతావరణాన్ని నెలకొల్పారు. పోలీసులు భారీ ఎత్తున అక్కడికి చేరుకొని పరిస్థితి ని అదుపులోకి తీసుకొని రావడం కోసం చాలా కష్టపడాల్సి వచ్చింది. అందుకు సంబంధించినా వీడియో కూడా సోషల్ మీడియా లో బాగా వైరల్ అయ్యింది. ఆ వీడియో ని మీకోసం క్రింద అందిస్తున్నాము చూడండి.
View this post on Instagram
