Shyam Singha Roy: నేచురల్ స్టార్ నాని హీరోగా రాహుల్ సాంకృత్యాన్ దర్శకత్వంలో తెరకెక్కుతోన్న సినిమా శ్యామ్ సింగరాయ్. ఈ సినిమాలో సాయి పల్లవి, మడోన్నా సెబాస్టియన్, కృతి శెట్టి హీరోయిన్లుగా నటిస్తున్నారు. 1970లో జరిగిన కథ నేపథ్యంలో ఈ సినిమా సాగుతుంది. నిహారిక ఎంటర్‌టైన్‌మెంట్స్‌పై ప్రొడక్షన్ నంబర్ 1గా వెంకట్ బోయనపల్లి ఈ చిత్రాన్ని నిర్మిస్తున్నారు. ఈ చిత్రానికి సంగీతం మిక్కీ జె. మేయర్ సంగీతం అందిస్తున్నారు.కాగా, ఈ సినిమా విడుదలకు దగ్గరవుతున్న నేపథ్యంలో.. నాని వరుసగా మీడియాతో ముచ్చటిస్తున్నారు. ఈ క్రమంలోనే ఈ సినిమా గురించి ప్రశ్నించగా.. చెప్పచ్చో లేదో అంటూనే పలు ఆసక్తికర విషయాలు చెప్పేశాడు నాని. ఈ క్రమంలోనే శ్యామ్సింగరాయ్ స్టోరీని రివీల్ చేసేశాడు.
నాని మాట్లాడుతూ.. బెంగాలీ అమ్మాయి, తెలుగు కుర్రాడి కథను శ్యామ్ సింగరాయ్ సినిమాతో ప్రేక్షకుల ముందుకు తీసుకొస్తున్నట్లు తెలిపారు. ఇటీవల విడుదలైన టీజర్లో అదే నిజమైంది. ఇందులో బెంగాలీ డైలాగ్ ఉండటంతో ఈ వార్తు మరింత బలం చేకూరినట్లైంది. అయితే, టీజర్లో మాత్రమే బెంగాళీ ఉందా.. లేక ప్లాష్బాక్ ఎపిసోడ్ మొత్తం ఈ బెంగాలీ ప్రభావం కనిపిస్తుందా తెలియాల్సి ఉంది.
నాని, సాయిపల్లవి కలకత్తాలోని ఓ బెంగాలీ జంటగా ఈ సినిమాలో నటించారు. దేవదాసీ సంప్రదాయాన్ని వ్యతిరేకించే వ్యక్తులుగా హీరోహీరోయిన్లు కన్పించబోతున్నారు. ఇందులో సాయి పల్లవి దేవదాసీగా కన్పించగా, నాని మాత్రం జర్నలిస్ట్ గా కన్పించబోతున్నారు. కాగా, డిసెంబరు 24న ఈ సినిమా విడుదల కానుంది. ఈ సినిమాతో ఎలాగైన సూపర్ హిట్ కొట్టాలని నాని బలంగా కోరుకుంటున్నారు.
Web Title: Shyam singaroy movie story revealed by nani
Get Latest Telugu News, Andhra Pradesh News , Entertainment News, Election News, Business News, Tech , Career and Religion News only on oktelugu.com
