Balakrishna-Gopichand Malineni: నటసింహం బాలయ్య – షార్ప్ డైరెక్టర్ గోపీచంద్ మలినేని కాంబినేషన్ లో రాబోతున్న ఫుల్ యాక్షన్ ఎంటర్టైనర్ ఈ రోజు స్టార్ట్ అయిన సంగతి తెలిసిందే. ‘స్టార్ట్ కెమరా.. రోలింగ్.. యాక్షన్.. కట్’ అంటూ గోపీచంద్ మలినేని మళ్ళీ షూటింగ్ మోడ్ లోకి షిఫ్ట్ అవ్వబోతున్నాడు. ఆల్ రెడీ ఇప్పటికే స్క్రిప్ట్ కూడా రెడీ చేశాడు. ఇక హీరోయిన్ గా శృతి హాసన్ నటిస్తోంది. ప్రస్తుతం ఆమె లావు పెరిగే ఆలోచనలో ఉంది.
మొన్నటి వరకు జిమ్ లోనే ఎక్కువ కాలం గడిపిన ఈ ముదురు భామ, రేపటి నుంచి బాగా ఒళ్ళు చేసే పనిలో ఉంటుందట. ఇంతకీ ఎందుకు ఈ అదనపు లావు ఎందుకు అంటే.. శృతి హాసన్ బాలయ్యకి జోడీ కాబట్టి.. పైగా సాధారణ హౌస్ వైఫ్ పాత్ర కాబట్టి, ఆమె ఈ సినిమాలో లావు పెరగనుంది. ముఖ్యంగా శృతి హాసన్ లావు పెరగడానికి ఫుడ్ పై తీవ్రంగా కసరత్తులు చేయబోతుంది.
మొత్తానికి వర్కౌట్స్ మానేసి, బరువు పెరగడానికి బలంగా తినాల్సి ఉంటుంది. ఎలాగూ బాలయ్య సరసన హీరోయిన్ కాబట్టి, ఎంత లావుగా ఉన్న పర్వాలేదు. అసలు మొదట్లో శృతి హాసన్, బాలకృష్ణ సరసన నటించడానికి అంగీకరించలేదని వార్తలు వచ్చాయి. దర్శకుడు గోపీచంద్ మలినేనికి శృతి హాసన్ తో మంచి బంధం ఉండటం, పైగా ఆమెకు రెండు సార్లు గోపీచంద్ బ్రేక్ ఇవ్వడంతో.. అతని రిక్వెస్ట్ ను కాదు అనలేక శృతి హాసన్ ఒప్పుకుంది.
కాకపోతే బాలయ్య పక్కన హీరోయిన్ గా చేయడం అంటే ఇక ‘సీనియర్ హీరోయిన్’ అనే ముద్రను వేయించుకోవడమే. ఒక సారి ఆ ముద్ర పడితే ఇక ఆ తర్వాత ఏ యంగ్ హీరో సరసన ఆమెకు అవకాశాలు రావు. అయినా 35 ఏళ్ల శృతి హాసన్ కి ఏ యంగ్ హీరో మాత్రం ఛాన్స్ ఇస్తాడు లేండి. అన్ని ఆలోచించుకునే శృతి హాసన్ బాలయ్య సినిమా ఒప్పుకొని ఉంటుంది.
Also Read: సజ్జనార్ దెబ్బకు దిగొచ్చిన అల్లు అర్జున్, ర్యాపిడో
