లాయర్ గారి భార్యగా భాగ్యలక్ష్మి

 

పవర్ స్టార్ పవన్ కళ్యాణ్ కథానాయకుడిగా వేణు శ్రీరామ్ దర్శకత్వంలో రూపొందుతున్న ‘వకీల్ సాబ్’ చిత్రం 75 శాతం షూటింగ్ కంప్లీట్ చేసుకొంది. బాలీవుడ్ హిట్ చిత్రం “పింక్ ” రీమేక్ గా నిర్మించ బడుతున్నఈ చిత్రాన్ని ప్రముఖ నిర్మాత ‘దిల్’ రాజు తన సొంత బ్యానర్ శ్రీ వెంకటేశ్వర క్రియేషన్స్ ఫై ఈ సినిమా నిర్మించడం జరుగుతోంది.

ఇప్పటికే కొంతవరకూ చిత్రీకరణను జరుపుకొన్న ఈ సినిమాలో ముఖ్యమైన పాత్రలకిగాను, నివేదా థామస్ .. అంజలి .. మల్లేశం ఫేమ్ అనన్యలను ఎంపిక చేశారు. ఇక సినిమాలో మరో ముఖ్యమైన పాత్రకిగాను కొంతమంది కథానాయికల పేర్లను అనుకోవడం జరిగింది. ఆ క్రమంలో శృతి హాసన్ ,ఇలియానా, లావణ్య త్రిపాఠి పేర్లు బయటికి వచ్చాయి కానీ చివరికి శ్రుతి హాసన్ ను ఖరారు చేసినట్టు తెలుస్తోంది.
.
తమిళంలో పింక్ రీమేక్ చేసినపుడు ఇదే పాత్రకు విద్యాబాలన్ ఎంపిక చేశారు.అక్కడ ఆ పాత్రకు మంచి పేరు కూడా రావడం తో అదే పాత్రకి గాను తెలుగులో శ్రుతి హాసన్ ను తీసుకున్నారని తెలుస్తోంది.గతంలో పవన్ కళ్యాణ్ – శ్రుతి హాసన్ కాంబినేషన్లో వచ్చిన ‘గబ్బర్ సింగ్’ వీరి జంటకి మంచి పేరు వచ్చి ఆ సినిమా సంచలన విజయాన్ని సాధించింది. దాంతో మళ్లీ ఇంతకాలానికి ఈ కాంబినేషన్ సెట్ చేశారని తెలుస్తోంది . పవన్ కల్యాణ్ . శ్రుతి హాసన్ జోడీ మళ్లీ కాటమ రాయుడు చిత్రం లో కలిసి నటించగా ఆ చిత్రం పెద్ద సక్సెస్ సాధించాక పోయినా జంటకి మాత్రం మంచి పేరు వచ్చింది .
A hit pair is hit forever