Munjya OTT
Munjya OTT: కొన్ని చిత్రాలు థియేటర్స్ లో బ్లాక్ బస్టర్ విజయాలు నమోదు చేస్తాయి. తీరా ఓటీటీలో చూస్తే కనీస ఆదరణ దక్కించుకోలేవు. గతంలో ఈ పరిస్థితి చాలా చిత్రాలకు ఎదురైంది. అవుట్ అండ్ అవుట్ కామెడీ ఎంటర్టైనర్ గా తెరకెక్కిన జాతిరత్నాలు బ్లాక్ బస్టర్ కొట్టింది. కొత్త దర్శకుడు అనుదీప్ ఈ చిత్రాన్ని తెరకెక్కించాడు. నవీన్ పోలిశెట్టి, రాహుల్ రామకృష్ణ, ప్రియదర్శి ప్రధాన పాత్రలు చేశారు. కేవలం రూ. 7 కోట్ల బడ్జెట్ తో తెరకెక్కిన జాతిరత్నాలు రూ. 70 కోట్ల వసూళ్లు రాబట్టి భారీ లాభాలు పంచింది.
కానీ జాతిరత్నాలు మూవీ ఓటీటీలో డిజాస్టర్ అయ్యింది. జాతిరత్నాలు ఓ చెత్త సినిమా అని ఆడియన్స్ తేల్చారు. కాంతార పరిస్థితి కూడా సేమ్. రిషబ్ శెట్టి దర్శకత్వం వహించి నటించిన కాంతార 2023లో విడుదలైన చిత్రాల్లో ఒక సంచలనం. విడుదలైన అన్ని భాషల్లో కాంతార గొప్ప రెస్పాన్స్ పొందింది. రూ. 16 కోట్ల బడ్జెట్ తో నిర్మించిన ఈ చిత్రం రూ. 400 కోట్ల వసూళ్లు రాబట్టి ట్రేడ్ వర్గాల మైండ్ బ్లాక్ చేసింది. అమెజాన్ ప్రైమ్, నెట్ఫ్లిక్స్ లో అందుబాటులోకి వచ్చిన కాంతార మిశ్రమ స్పందన దక్కించుకుంది.
ఓటీటీ ఆడియన్స్ కాంతార చిత్రాన్ని పెద్దగా ఇష్టపడలేదు. అంతగా ఏం బాగుందని అన్ని కోట్లు వసూలు చేసిందని ఎద్దేవా చేశారు. లేటెస్ట్ బ్లాక్ బస్టర్ ముంజ్యా కి కూడా ఇదే పరిస్థితి ఎదురైంది. హిందీ హారర్ కామెడీ చిత్రం ముంజ్యా జూన్ 7న థియేటర్స్ లో విడుదల చేశారు. ఆదిత్య సర్పోట్దర్ దర్శకత్వం వహించిన ముంజ్యా చిత్రంలో శర్వాణి, అభయ్ వర్మ, సత్యరాజ్ ప్రధాన పాత్రలు చేశారు.
రూ. 30 కోట్ల బడ్జెట్ తో ముంజ్యా నిర్మించారు. రూ. 140 కోట్ల వసూళ్లు రాబట్టి బ్లాక్ బస్టర్ గా నిలిచింది. మ్యాడ్ డాక్ సూపర్ నాచురల్ యూనివర్స్ లో భాగంగా ముంజ్యా తెరకెక్కింది. ఈ యూనివర్స్ లో స్త్రీ, భేడియా, స్త్రీ 2 చిత్రాలు తెరకెక్కాయి. స్త్రీ 2 సైతం సంచలనాలు నమోదు చేస్తుంది. ఈ మూవీ వసూళ్లు రూ. 500 కోట్లకు చేరువయ్యాయి.
ముంజ్యా చిత్రం కామెడీ, హారర్ అంశాలతో మెప్పించింది. విజువల్ ఎఫెక్ట్స్ ఏమంత ఆశాజనకంగా లేకున్నా… ప్రేక్షకులు బ్రహ్మరథం పట్టారు. ముంజ్యా మూవీ ఆగస్టు 23 నుండి హాట్ స్టార్ లో స్ట్రీమ్ అవుతుంది. అయితే ప్రేక్షకుల నుండి ఆశించిన రెస్పాన్స్ లేదు. ఓటీటీలో ముంజ్యాకి మిశ్రమ స్పందన వస్తుంది. కొన్ని చిత్రాలను థియేటర్స్ లోనే చూడాలి. ముఖ్యంగా హారర్ చిత్రాల థియేటర్ ఎక్స్పీరియన్స్ వేరు. ఇంట్లో బుల్లితెరపై ఈ చిత్రాలు గొప్ప అనుభూతిని పంచకపోవచ్చు.
