Shah Rukh Khan: బాలీవుడ్ స్టార్ హీరో ‘షారుఖ్ ఖాన్’ ఒక సౌత్ యంగ్ డైరెక్టర్ తో సినిమా చేస్తాడని ఎవరూ ఊహించలేదు. ఒకవేళ షారుఖ్ సౌత్ డైరెక్టర్లతో సినిమా చేయాలనుకుంటే.. ఏ రాజమౌళితో లేక ఏ శంకర్ తోనే సినిమా చేస్తాడు అనుకుంటారు. కానీ, షారుఖ్ అందరికీ షాక్ ఇస్తూ తమిళ యంగ్ డైరెక్టర్ అట్లీ దర్శకత్వంలో ఒక సినిమా చేస్తున్నాడు. పైగా ఈ చిత్రాన్ని అత్యంత భారీ బడ్జెట్ తో నేషనల్ రేంజ్ లో తెరకెక్కిస్తున్నారు.
అయితే హీరో షారుఖ్ ఖాన్ అయినా, ఇక నేషనల్ రేంజ్ సినిమా అయినా.. అట్లీ మాత్రం తన తమిళ ప్రేమను చంపుకోలేక పోతున్నాడు. ఈ సినిమాలో ఎక్కువగా సౌత్ ఫిల్మ్ ఇండస్ట్రీకి చెందిన నటీనటులనే మెయిన్ పాత్రలు కోసం తీసుకోవడంతో పాటు సన్నివేశాలను కూడా ఎక్కువగా సౌత్ సినిమాల మాదిరిగానే రాసుకున్నాడు. పాన్ ఇండియా సినిమా చేసేటప్పుడు కచ్చితంగా నార్త్ నేటివిటీ కూడా ప్లాన్ చేసుకోవాలి.
పైగా తన సినిమాలో హీరో బాలీవుడ్ సూపర్ స్టార్.. అయినా అట్లీ మాత్రం తమిళ వాసనను వదలడం లేదు. సినిమా విషయంలో ఎక్కడా కాంప్రమైజ్ కావడం లేదు. మొదట నిర్మాతలు, ఈ సినిమాలో హీరోయిన్ గా విద్యాబాలన్ తీసుకోవాలనుకున్నారు. కానీ, అట్లీ మాత్రం షారుఖ్ ను ఒప్పించి నయనతారను హీరోయిన్ గా ఫైనల్ చేశాడు.
హీరోయిన్ విషయంలో కూడా అట్లీదే పై చేయి అయింది కాబట్టి.. మిగిలిన విషయాల్లో అయినా తమ మాట నెగ్గుతుంది అని నిర్మాతలు ఆశ పడుతున్నారే గాని, నిర్మాతలకు మాత్రం నిరాశే ఎదురవుతోంది. అట్లీ మిగిలిన కీలక పాత్రల్లోనూ సౌత్ ఇండియా నటీనటులనే సెలెక్ట్ చేశాడు. మొత్తానికి పేరుకి షారుఖ్ ఖాన్ సినిమా అయినా సౌత్ డామినేషనే ఈ సినిమాలో ఎక్కువ గా కనిపింబోతుంది.
Also Read: Pushpa: ‘పుష్ప’కు అన్ని కోట్లు పెట్టినా క్వాలిటీ ఎక్కడా కనిపించిందే లే?
ఏది ఏమైనా అట్లీ తీసిన నాలుగు సినిమాలు ‘రాజారాణి, పోలీస్, అదిరింది, విజిల్’ ఇలా ప్రతి సినిమా సూపర్ హిట్ అయ్యాయి. అందుకే అట్లీకి షారుఖ్ కూడా ఎదురు చెప్పలేక పోతున్నాడు. పైగా ఈ సినిమా పై షారుఖ్ అభిమానులతో పాటు షారుఖ్ ఖాన్ కూడా చాలా ఆశలు పెట్టుకున్నాడు. మరి షారుక్ ఖాన్ కి అట్లీ ఏ రేంజ్ హిట్ ఇస్తాడో చూడాలి.
Also Read: Rashi Khanna: 8ఏళ్ల తర్వాత బాలీవుడ్లోకి రీ ఏంట్రీ.. అదృష్టాన్ని పరీక్షించుకోనున్న రాశీఖన్నా
