Sameera Reddy: తెలుగులో హీరోయిన్ సమీరా రెడ్డి చేసింది మూడు సినిమాలే. అయినా టాలీవుడ్ ప్రేక్షకుల మదిలో ఆమె బలమైన ముద్ర వేసింది. సమీరా రెడ్డి 2005లో వచ్చిన నరసింహుడు మూవీతో టాలీవుడ్ లోకి ఎంట్రీ ఇచ్చింది. ఆ తర్వాత అశోక్, జై చిరంజీవా చిత్రాలతో సమీరా నటించి మెప్పించింది. అయితే.. తాజాగా సమీరా రెడ్డి ఒక షాకింగ్ విషయం రివీల్ చేసింది.
Sameera Reddy
సమీరా రెడ్డి 2016లో అరుదైన ‘అలోపేసియా’ వ్యాధికి గురైనట్లు చెప్పుకొచ్చింది. ఆమె అప్పటి తన పరిస్థితి గురించి చెబుతూ.. ‘నా భర్త అక్షయ్ నా తలపై రెండు ఇంచుల జట్టు ఊడిపోతుండటం గమనించాడు. నిజానికి ఆ వ్యాధిని ఎదుర్కోవడం చాలా కష్టం. ఎందుకంటే… అది అనారోగ్యానికి గురి చేయదు కాకపోతే.. మానసికంగా బాగా కుంగదీస్తుంది’ అని ఆమె తెలిపింది.
Also Read: Ghani Movie Non Theatrical Deal: ‘గని’కి 25 కోట్ల డీల్.. ఏమిటి నిజమేనా ?
ప్రస్తుతం అయితే సమీరా రెడ్డి ఆరోగ్యంగా ఉందట. నిజానికి ఈ హాట్ హీరోయిన్ అంటే ఒకప్పుడు విపరీతమైన క్రేజ్ ఉండేది. తెలుగు, తమిళ భాషల్లో స్టార్ హీరోయిన్ స్టేటస్ అనుభవించింది సమీరా రెడ్డి. దక్షిణాదిన పలువురు యువ, స్టార్ హీరోలతో సినిమాలు చేసి మంచి గుర్తింపు తెచ్చుకుని.. అటు నుండి బాలీవుడ్ పోయి, అక్కడా తన అందచందాలతో అక్కడి ప్రేక్షకులకు కనువిందు చేసి.. మొత్తానికి నేషనల్ హీరోయిన్ అనిపించుకుంది.
అలాంటి సమీరా రెడ్డి ప్రస్తుతం హౌస్ వైఫ్ గా లైఫ్ ను లీడ్ చేస్తూ.. కాలాన్ని నెట్టుకొస్తోంది. పెళ్ళయ్యాక పూర్తిగా సినిమాలను దూరం పెట్టేసింది. ఆ మధ్య పలు ఆఫర్లు వచ్చినా నో చెప్పేసింది. అయితే ఆమె సినిమాలోకి రీఎంట్రీ ఇస్తున్నట్టు వార్తలు రావడం… తమిళంలో ఆర్య చేయనున్న కొత్త చిత్రంలో సమీరా రెడ్డి ముఖ్యమైన లేడీ విలన్ పాత్రను చేస్తుందనే వార్త బాగా వైరల్ అయ్యింది.
Sameera Reddy
పైగా సమీరా రెడ్డి మరో కొత్త అవతారం ఎత్తబోతునట్లు తెలుస్తోంది. ఓ హిందీ ఛానెల్ కోసం త్వరలోనే సమీరా రెడ్డి హోస్ట్ గా చేయబోతుందట. ఇంతకీ సమీరా రెడ్డి హోస్ట్ గా చేస్తోంది ఎలాంటి షోకి అనే విషయం ఇంకా క్లారిటీ రాలేదు గాని, బట్ ఆమె హోస్ట్ గా చేయడం మాత్రం ఖాయం అని సమాచారం. మరి చూడాలి సమీరా రెడ్డి ఎలాంటి షోతో రీఎంట్రీ ఇస్తోందో. అలాగే తెలుగులో కూడా ఆమె భవిష్యత్తులో హోస్ట్ చేసినా ఆశ్చర్యపోక్కర్లేదు.
Also Read:Mahesh- Rajamouli Movie: మహేష్ – రాజమౌళి సినిమా బడ్జెట్ ఎంతో తెలుసా ?
