సమంత -నాగ చైతన్యల మధ్య ఎందుకంత తేడా ?

ప్రముఖ ఓటీటీ సంస్థ ఆహా లో “సామ్ జామ్” షో హోస్ట్ గా సమంత తనదైన స్టైల్ లో అల్లరి చేస్తూ నవ్వుతూ, నవ్విస్తూ, సందడి చేసి మొదటి సీజన్ ని విజయవంతం చేసింది. చివరి ఎపిసోడ్లో అక్కినేని హీరో నాగ చైతన్యని ఇంటర్వ్యూ చేసి సామ్ జామ్ ఫస్ట్ సీజన్ ని ఘనంగా ముగించారు. నాగ చైతన్య గురించి అనేక సీక్రెట్స్ ని బయట పెట్టింది సమంత. దంపతులిద్దరూ కలసి కనువిందు చేయటంతో ఈ ఎపిసోడ్ బాగా హైలైట్ అయ్యింది.

Also Read: మెగాస్టార్ ఫ్యాన్స్ ను నిరాశ పరిచిన కొరటాల !

మొదటి నుండి సోషల్ మీడియాలో సమంత ఎంత ఆక్టివ్ గా ఉంటుందో అందరికి తెలుసు. డే లైఫ్ లో జరిగిన అనేక విషయాలని ఆమె ఎప్పటికప్పుడు పోస్ట్ చేస్తూ అభిమానులకి దగ్గరగా ఉంటుంది. ఈ విషయంలో నాగ చైతన్య ,సమంత దరిదాపుల్లో కూడా ఉండరు. భర్త సంవత్సర కాలంలో చేసిన పోస్ట్లు సమంత కేవలం ఒక్క రోజులోనే చేస్తుందంటేనే ఆయనెంత తక్కువగా సోషల్ మీడియాని వాడతారో అర్ధం చేసుకోవచ్చు. సామ్ జామ్ షో లో ఇదే విషయం గురించి ప్రస్తావన తీసుకొచ్చి “తాను ఏడాదికి 1040 పోస్ట్‌లు చేస్తే… చైతన్య కేవలం 40 మాత్రమే పోస్ట్‌లు చేశాడంటూ చెప్పి, సోషల్ మీడియాకు ఎందుకు దూరంగా ఉంటావనేది చెప్పు అంటూ నాగ చైతన్యను సమంత అడిగింది.

Also Read: ప్రదీప్ లెక్కలు చూసి సినీ పెద్దలే షాక్ !

చైతన్య సమాధానమిస్తూ… “రిజర్వ్డ్‌గా ఉండటమే నాకు ఇష్టం. సినిమాలతో అభిమానులకి దగ్గరగా ఉంటాను, సినిమా కాకుండా మిగిలింది నా వ్యక్తిగత జీవితం. ఆ లైఫ్ ని కూడా పబ్లిక్ ముందు పెట్టటం నాకు ఇష్టముండదు. అది నా స్పేస్…అలా ఉండటమే నాకు ఇష్టమంటూ” చెప్పుకొచ్చారు. నువ్వెందుకు ప్రతి విషయాన్ని షేర్ చేస్తూంటావో చెప్పు అని చై సమంతని అడగగా … “సినిమాల్లో కనిపించేది తాను కాదని…అవి పాత్రలని… నిజమైన సమంత ఏంటో అందరికి తెలియాలని అలా చేస్తున్నానని, అదే నిజమైన సమంత
అంటూ రిప్లై ఇచ్చింది.

మరిన్ని సినిమా వార్తల కోసం టాలీవుడ్ న్యూస్

ఇక సినిమాల విషయానికొస్తే సమంత అమెజాన్‌ ప్రైమ్‌లో ప్రసారం అయ్యే ‘ఫ్యామిలీ మ్యాన్’ అనే వెబ్ సిరీస్‌లో ఓ కీలక పాత్రలో నటిస్తోంది. గుణశేఖర్ దర్శకత్వంలో వస్తున్న ‘శాకుంతలం’ మూవీలో మెయిన్ లీడ్ కి సెలెక్ట్ అయ్యింది. ఇక చైతన్య, శేఖర్ కమ్ముల తీస్తున్న లవ్ స్టోరీ మూవీ షూటింగ్ ఇటీవలనే కంప్లీట్ చేసి రిలీజ్ డేట్ ని కూడా ప్రకటించారు. నెక్స్ట్ విక్రమ్ కుమార్ డైరెక్షన్లో థాంక్యూ మూవీలో నటించబోతున్నాడు.