Salman Khan: బాలీవుడ్ స్టార్ హీరో, కండలవీరుడు సల్మాన్ ఖాన్ పుట్టిన రోజు నేడు. ఈ సందర్భంగా పలువురు సినీ ప్రముఖులు, అభిమానులు ఆయనకు పుట్టిన రోజు శుభాకాంక్షలు తెలిపారు. కొన్ని సంవత్సరాలుగా బాలీవుడ్ స్టార్ హీరోల్లో ఒకరిగా కొనసాగుతున్న ఆయన..ఇండస్ట్రీలో తనకంటూ ప్రత్యేక గుర్తింపు సంపాదించుకున్నారు. కాగా, ఇటీవలే రాజమౌళి, సల్మాన్ ఖాన్ ఇద్దరూ ఎక్కువగా మీట్ అయినట్లు తెలిసిన సంగతే.
Salman Khan
ఈ క్రమంలోనే వీరిద్దరి కాంబోలో సినిమా రానుందని వార్తలు చక్కర్లు కొడుతున్నాయి. మరోవైపు ఆర్ఆర్ఆర్ ప్రీ రిలీజ్ ఈవెంట్లోనూ ముఖ్య అతిథిగా సల్మాన్ రావడం, మరోవైపు సల్మాన్ హోస్ట్గా ఉన్న బిగ్బాస్కి ఆర్ఆర్ఆర్ హీరోలతో పాటు రాజమౌళి హాజరు కావడం తెలిసిందే. దీంతో, వీరిద్దరి కాంబోపై మరింత ఆసక్తి నెలకొంది. అయితే, సల్మాన్ ఖాన్ పుట్టినరోజు సందర్భంగా మీడియాతో ముచ్చటిస్తూ.. రాజమౌళితో సినిమాపై క్లారిటీ ఇచ్చారు. అవన్నీ కేవలం ఊహాగానాలే అని కొట్టిపడేశారు. ప్రస్తుతం రాజమౌళితో కలిసి ఏ సినిమా తీయట్లేదని అన్నారు.
Also Read: Pushpa Box Office Collection: ‘పుష్ప’ 10 రోజుల ఏపీ తెలంగాణ కలెక్షన్స్
ఎంతో ప్రతిష్టాత్మకంగా డీవివి దానయ్య నిర్మిస్తున్న ఈ సినిమా వచ్చే ఏడాది సంక్రాంతి కానుకగా జనవరి 7న విడుదలకు సిద్ధమైంది. ఈ క్రమంలోనే వరుసగా ప్రమోషన్స్లో ఫుల్ జోరు పెంచింది చిత్రబృందం. ఈ సినిమాలో తారక్, రామ్చరణ్ హీరోలుగా కనిపించనున్నారు. అలియా బట్, ఒలివియా మోరిస్ హీరోయిన్లు. కాగా, కీరవాణి సంగీతం అందిస్తున్నారు. అజయ్ దేవగణ్, శ్రియ, సముద్రఖని తదితరులు కీలక పాత్రలో కనిపించనున్నారు. ఎన్నో అంచనాల మధ్య వస్తోన్న ఈ సినిమా ఏ రేంజ్లో రికార్డులను బద్దలు కొడుతుందో చూడాలి.
Also Read: Naga Shaurya Lakshya: ప్చ్.. ‘ఆర్ఆర్ఆర్’కు ప్లాప్ సినిమా పోటీనా ?