Salaar: సలార్ బాక్సాఫీస్ వద్ద సందడి చేస్తుంది. నిర్మాతలకు కాసుల వర్షం కురిపిస్తుంది. మూడు రోజుల్లో రూ. 402 కోట్ల వరల్డ్ వైడ్ గ్రాస్ రాబట్టినట్లు నిర్మాతలు ప్రకటించారు. దర్శకుడు ప్రశాంత్ ని భారీ మాస్ యాక్షన్ ఎంటర్టైనర్ గా సలార్ తెరకెక్కించారు. ఇక ప్రభాస్ బాహుబలి తర్వాత హిట్ కొట్టాడు. సలార్ చిత్రంలో ప్రభాస్ కట్ అవుట్ అదిరింది. యాక్షన్ బ్లాక్స్, ఎలివేషన్ సీన్స్ దుమ్మురేపాయి. చాలా కాలం తర్వాత ప్రభాస్ ని ఫ్యాన్స్ కోరుకున్న రీతిలో దర్శకుడు ప్రశాంత్ ప్రజెంట్ చేశాడు.
సలార్ చిత్రానికి పెద్దగా ప్రమోషన్స్ నిర్వహించలేదు.ప్రీ రిలీజ్ ఈవెంట్ సంగతి అటుంచితే… కనీసం ప్రభాస్ మీడియా ముందుకు రాలేదు. దర్శకుడు రాజమౌళితో ఒక ఇంటర్వ్యూ ప్లాన్ చేశారు. అది వైరల్ అయ్యింది. సినిమాకు సంబంధించిన అనేక విషయాలు పంచుకున్నారు. ఎలాంటి ప్రమోషన్స్ చేయకున్నా సలార్ మూవీ కోసం జనాలు థియేటర్స్ వద్ద క్యూ కట్టారు. అందుకు కారణం సినిమా పై విపరీతమైన హైప్ ఉంది.
కెజిఎఫ్ దర్శకుడితో ప్రభాస్ మూవీ కావడం అంచనాలు ఆకాశానికి చేర్చింది. అదే స్థాయిలో ఓపెనింగ్స్ ఉన్నాయి. సలార్ మూవీ ఫస్ట్ డే రూ. 178.7 కోట్ల వరల్డ్ వైడ్ గ్రాస్ రాబట్టింది. నాలుగు రోజులు లాంగ్ వీకెండ్ సలార్ కి దక్కింది. నేటి నుండి వర్కింగ్ డే. కాబట్టి సలార్ ఏ మేరకు వసూళ్లు రాబడుతుందో చూడాలి. అందుకే ప్రమోషన్స్ లో భాగంగా సాంగ్ విడుదల చేశారు. సలార్ మూవీలోని ‘వినరా’ వీడియో సాంగ్ రిలీజ్ అయ్యింది.
ఈ చిత్రంలో ప్రభాస్-పృథ్విరాజ్ సుకుమారన్ మిత్రులుగా నటించిన విషయం తెలిసిందే. స్నేహం గొప్పతనం, స్నేహం కోసం ప్రభాస్ త్యాగం, తెగింపు తెలియజేస్తూ వినరా సాంగ్ రూపొందింది. మ్యూజిక్ డైరెక్టర్ రవి బస్రూర్ స్వరాలు సమకూర్చారు. కృష్ణకాంత్ సాహిత్యం అందించారు. సచిన్ బస్రూర్ పాడాడు. వినరా సాంగ్ వైరల్ అవుతుంది. సలార్ మూవీకి రెండో భాగం ఉంది. అందుకే దర్శకుడు ప్రశాంత్ నీల్ అసంపూర్తిగా చెప్పాడు. సలార్ 2 కోసం ఫ్యాన్స్ ఆసక్తిగా ఎదురుచూస్తున్నారు.
