ప్రస్తుతం సోషల్ మీడియా అంతా పుకార్ల పల్లకిలో ఊరేగు తోంది. అదిగో పులి అంటే ఇదిగో తోక అన్న చందంలా అవాస్తవాలు అక్షర రూపంలో దర్శన మిస్తున్నాయి. ముందు వార్త రావడం ఆ తరవాత ఆ వార్త తాలూకు వ్యక్తులు దాన్ని ఖండించడం మీడియా లో సర్వసాధారణమై పోతోంది. ఇపుడు అలాంటిదే మరో వార్త మీడియాలోకి దూసుకొచ్చింది . తెలుగు చిత్రసీమలో మహిళా దర్శకురాలుగా చెరగని ముద్ర వేసి, గిన్నీస్ బుక్ అఫ్ వరల్డ్ రికార్డ్స్ లో చోటు దక్కించు కొన్న నటి , కృష్ణ గారి శ్రీమతి అయిన , దివంగత విజయనిర్మల జీవిత చరిత్ర ఆధారంగా సినిమాను తెరకెక్కించబోతున్నట్టు వార్తలు తెలుగు నాట వీర విహారం చేశాయి.అంతేకాదు ఈ చిత్రంలో కీర్తీ సురేశ్ ప్రధాన పాత్రను పోషించబోతున్నట్టు కూడా నొక్కి చెప్పాయి .
కాగా ఈ వార్తలపై స్పందిస్తూ విజయనిర్మల కుమారుడు సీనియర్ నరేశ్ .” అమ్మ పేరుతో బయోపిక్ ను నిర్మించడం లేదని… ఇతరులు ఎవరికీ కూడా పర్మిషన్స్ ఇవ్వలేదు ” అని నొక్కి చెప్పారు. దీంతో విజయ నిర్మల గారి బయోపిక్ చిత్ర వార్తలకు తెర పడినట్టయింది.
