RRR: ప్రస్తుతం పాన్ ఇండియా సినిమాలు సాధారణం అయ్యాయి. టాలీవుడ్, బాలీవుడ్ అనే తేడా లేకుండా.. దేశవ్యాప్తంగా పాన్ ఇండియా చిత్రాలు తెరకెక్కుతున్నాయి. ఈ క్రమంలోనే మల్టీస్టారర్గా దర్శకుడు రాజమౌళి రూపొందిస్తోన్న సినిమా ఆర్ఆర్ఆర్. ఎన్టీఆర్, రామ్చరణ్ హీరోలుగా కలిసి నటిస్తోన్న ఈ సినిమాకు సంబంధించిన విడుదల తేదీ వచ్చినప్పటి నుంచి.. వరుసగా ప్రమోషన్స్లో భాగంగా ప్రోమోలు, వీడియోలు విడుదల చేస్తోంది చిత్రబృందం.
ఇటీవల నాటు నాటు పేరుతో తారక్, చెర్రి కలిసి స్టెప్పులేసే లిరికల్ సాంగ్ను విడుదల చేశారు. విడుదలైన 24 గంటల్లోనే అన్ని భాషల్లో కలిపి 15 మిలియన్ల వ్యూస్కు చేరుకున్నాయి. మాస్ స్టెప్పులతో ఈ హీరోలిద్దరు ఇరగదీశారు. థియేటర్లో మాత్రం ఈ పాటకు పూనకాలే అని అర్థమవుతోంది. కాగా, ప్రస్తుత మరో అప్డేట్ వచ్చే అవకాశమున్నట్లు తెలుస్తోంది.
ఈ సినిమా మూడో పాటను నవంబరు 18న విడుదల చేసేందుకు సిద్ధమైనట్లు సమాచారం. అయితే, ఈ విషయంపై అధికారిక ప్రకటన రావాల్సి వచ్చింది. ఇప్పటికే కీరవాణి అందించిన రెండు పాటలు భారీ విజయం సాధించాయి. మరి మూడో సాంగ్ ఏ థీమ్కు చెందిందో చూడాలి. డివివి దానయ్య ఈ సినిమాకు నిర్మాతగా వ్యవహరిస్తున్నారు. కాగా, ఇందులో రామ్ చరణ్ అల్లూరి సీతారామరాజుగా కనిపించబోతుండగా… ఎన్టీఆర్ కొమరం భీమ్ గా అలరించ నున్నారు. కాగా వీరి సరసన ఒలీవియా మోరిస్, ఆలియా భట్ హీరోయిన్స్ నటిస్తున్నారు. కాగా అజయ్ దేవగన్, శ్రియ , సముద్రఖని ముఖ్య పాత్రల్లో కనిపించనున్నారు. వచ్చే ఏడాది సంక్రాంతి కానుకగా జనవరి 7న ఈ మూవీ ప్రేక్షకుల ముందుకు రాబోతుంది.
