దర్శకుడు రాంగోపాల్ వర్మ వివాదాలకు కేరాఫ్ అడ్రస్ గా నిలుస్తుంటారు. వివాదాలతో కాలక్షేపం చేయడం వర్మకు కొత్తేమీ కాదు. సినిమా హిట్లు, ప్లాపులతో సంబంధం లేకుండా ఆయన సినిమాలన్నీ సంచనాలను సృష్టిస్తుంటాయి. తాజాగా రాంగోపాల్ వర్మ మరో సంచలనాన్ని సృష్టించేందుకు రెడీ అవుతోన్నారు. పోర్న్ స్టార్ మియా మాల్కోవాతో ఓ న్యూడ్ ఫిల్మ్ తెరకెక్కించేందుకు వర్మ రెడీ అవుతున్నాడు. ఈ మూవీకి ‘క్లైమాక్స్’ అనే టైటిల్ ఖరారు చేశాడు. దీనికి సంబంధించిన టీజర్ సాయంత్రం 5గంటలకు విడుదల చేయనున్నట్లు వర్మ ట్వీటర్లో ట్వీట్ చేయడం చర్చనీయాంశంగా మారింది.
గతంలోనూ వర్మ మియా మాల్కోవాతో గాడ్ సెక్స్ అండ్ ట్రూత్(GST) అనే న్యూడ్ ఫిల్మ్ తెరకెక్కించాడు. దీనిపై అప్పట్లో మహిళా సంఘాలు తీవ్రంగా అభ్యంతరం వ్యక్తం చేశాయి. అయితే వారందరికీ వర్మ తనదైన శైలిలో సమాధానం ఇచ్చి సంచలనం సృష్టించారు. తాజాగా మరోసారి మియా మాల్కోవాతో ‘క్లైమాక్స్’ అనే న్యూడ్ ఫిల్మ్ తెరకెక్కిస్తున్నట్లు ప్రకటించాడు. నేటి సాయంత్రం 5గంటలకు ఈ ఫీల్మ్ టీజర్ విడుదల చేయనున్నట్లు వర్మ ట్వీటర్లో ట్వీట్ చేశాడు. త్వరలో మరిన్ని వివరాలు తెలియజేస్తానంటూ వర్మ చెప్పారు.
