Movie Tickets: ఏపీలో సినమా టికట్ల ధరల వ్యవహారంపై రోజుకో మలుపు తిరుగుతోంది. టాలీవుడ్లో ప్రస్తుతం ఈ విషయమే హాట్టాపిక్గా మారింది. పెద్దహీరోల సినిమాలకు బెనిఫిట్ షోలు వేయడం ఎప్పటినుంచే వస్తోంది. అయితే, ప్రస్తుతం ఏపీలో బెనిఫిట్షోను రద్దుచేస్తూ ప్రభుత్వం నిర్ణయం తీసుకుంది. దీంతో పలు హీరోల అభిమానులు ఏపీ ప్రభుత్వంపై ఆగ్రహం వ్యక్తం చేస్తున్నారు. అసలు ఏంటి ఈ కొత్త ఆంక్షలు.. దీని వల్ల మీకొచ్చే నష్టమేంటని ప్రశ్నల వర్షం కురిపిస్తున్నారు.
Pushpa Movie Review
అయితే, ప్రభుత్వం తీసుకున్న ఈ నిర్ణయం కొంతమందికి సంతోషాన్నికలిగిస్తోంది. పెద్ద సినిమాలొస్తే.. థియేటర్లు సామాన్యులను దొచుకుంటాయని.. ప్రభుత్వం భావించి టికెట్ ధలరపై ఈ నిర్ణయం తీసుకుందని అంటున్నారు. కానీ, ఇప్పుడు సమస్యంతా బెనిఫిట్ షో దగ్గరవచ్చింది. పక్కరాష్ట్రాల్లో ఫ్యాన్షోలు వేస్తున్నప్పుడు.. ఏపీలో ఎందుకు కుదరదంటూ.. అభిమానులు కోపంతో రగిలిపోతున్నారు.
Also Read: తెలుగు తెర గౌరవానికి ముఖ్య కారణం అతనే !
తమకు ఇష్టం ఉండబట్టే కదా.. బెనిఫిట్షోకు వెళ్తున్నామంటూ ప్రభుత్వ నిర్ణయాన్ని ప్రశ్నిస్తున్నారు. ఈ క్రమంలోనే అనంతపురం జిల్లా హిందూపురంలో అభిమానులు రోడ్డెక్కి ఆందోళన నిర్వహించారు. ఫ్యాన్ షోరు ఎందుకు రద్దు చేశారో చెప్పాలంటూ సినిమా ప్రదర్శిస్తున్న బాలాజీ థియేటర్పై రాళ్లు విసిరారు.
కాగా, డిసెంబరు 17న విడుదలైన పుష్ప.. భారీ రెస్పాన్స్తో దూసుకెళ్లిపోతోంది. రివ్యూల్లోనూ పుష్పకు పాజిటివ్ రెస్పాన్స్ వస్తోంది. ఈ క్రమంలోనే ఈ సినిమా రికార్డు సృష్టించడం ఖాయమని అభిమానులు అంటున్నారు. సుకుమార్ దర్శకత్వం వహించిన ఈసినిమాలో రష్మిక హీరోయిన్గా నటించింది. సునీల్, అనసూయ కీలక పాత్రలు పోషించారు.
