Ravi Teja Irumudi: వరుస డిజాస్టర్ ఫ్లాప్స్ తో మార్కెట్ ని పూర్తిగా కోల్పోయే స్థితికి వచ్చిన హీరోల్లో ఒకరు మాస్ మహారాజ రవితేజ. ‘ధమాకా’ తర్వాత ఆయన హీరోగా చేసిన ప్రతీ చిత్రం ఒక దానిని మించి ఒకటి డిజాస్టర్ ఫ్లాప్స్ అవుతూ వచ్చాయి. ఇక రవితేజ అప్డేట్ అవ్వకపోతే కష్టం, లేదంటే ఆయనతో సినిమాలు చేసేందుకు ఎవ్వరూ ముందుకు రారు అని అనుకుంటున్న సమయంలో ‘ఇరుముడి’ చిత్రాన్ని ప్రకటించారు. ‘నిన్ను కోరి’, ‘మజిలీ’ వంటి సెన్సేషనల్ బ్లాక్ బస్టర్ హిట్ సినిమాలను తీసిన శివ నిర్వాణ ఈ చిత్రానికి దర్శకత్వం వహిస్తున్నాడు. అయ్యప్ప స్వామి బ్యాక్ డ్రాప్ తో ఈ చిత్రం తెరకెక్కబోతుంది అని తెలియడంతో సినిమా పై విపరీతమైన క్రేజ్ ఏర్పడింది. రీసెంట్ గా ఈ చిత్రానికి సంబంధించిన టీజర్ ని విడుదల చేయగా, దానికి కూడా ఆడియన్స్ నుండి అద్భుతమైన రెస్పాన్స్ వచ్చింది.
మొత్తానికి రవితేజ కం బ్యాక్ కనీవినీ ఎరుగని రేంజ్ లో ఉండబోతుంది, సూర్య ఎలా అయితే ఈ ఏడాది బాక్స్ ఆఫీస్ వద్ద తన విశ్వరూపం చూపించాడో, రవితేజ కూడా అదే రేంజ్ మాస్ ర్యాంపేజ్ చూపిస్తాడని అనుకున్నారు. కానీ ఇప్పుడొచ్చిన పెద్ద సమస్య ఏమిటంటే విడుదల తేదీ. ఈ చిత్రాన్ని ఆగస్టు 21 న విడుదల చేయబోతున్నట్టు మేకర్స్ అధికారిక ప్రకటన చేశారు. ఈ సినిమా విడుదలైన 5 రోజులకే పాన్ ఇండియా లెవెల్ లో విపరీతమైన క్రేజ్ ని సంపాదించుకునేం ‘టాక్సిక్’ చిత్రాన్ని విడుదల చేస్తున్నారు. ఈ సినిమాకు సంబంధించిన తెలుగు వెర్షన్ థియేట్రికల్ రైట్స్ ని దిల్ రాజు సొంతం చేసుకున్న సంగతి తెలిసిందే. నైజాం ప్రాంతం లో ఆయన థియేటర్స్ ఏ రేంజ్ లో హోల్డ్ చేస్తాడో ప్రత్యేకించి చెప్పనవసరం లేదు. పైగా ‘ఇరుముడి’ చిత్రాన్ని ‘మైత్రీ మూవీ మేకర్స్’ సంస్థ నిర్మించింది.
గత కొన్నేళ్లుగా దిల్ రాజు మరియు మైత్రీ మూవీ మేకర్స్ సంస్థల మధ్య ఏ రేంజ్ లో గొడవలు నడుస్తున్నాయి మన కళ్లారా చూస్తూనే ఉన్నాం. కాబట్టి ‘ఇరుముడి’ చిత్రానికి దిల్ రాజు ప్రాపర్టీస్ లో విడుదల ఇవ్వడం దాదాపుగా కష్టమేనని, అదే కనుక జరిగితే నైజాం ప్రాంతం లో చాలా నష్టం వాటిల్లే అవకాశం ఉందని అంటున్నారు. రవితేజ చాలా కాలం తర్వాత భారీ కం బ్యాక్ ఇవ్వబోతున్నాడని అటు అభిమానులు , ఇటు మూవీ లవర్స్ చాలా ఆశలు పెట్టుకున్నారు. ఇలాంటి సమయంలో ఈ పరిస్థితి రావడం గమనార్హం. దీన్ని రవితేజ ఎలా అధిగమిస్తాడో చూడాలి , ఆడియన్స్ నుండి భారీ లెవెల్ లో పాజిటివ్ టాక్ రావాల్సిన అవసరం ఎంతైనా ఉంది.
