Ustad Bhagat Singh- Ravi Teja: ప్రముఖ దర్శకుడు హరీష్ శంకర్ గబ్బర్ సింగ్ తర్వాత పవన్ కళ్యాణ్ తో మరో సినిమా చెయ్యడానికి ఎంతలా ఎదురు చూశాడో ప్రత్యేకించి చెప్పనక్కర్లేదు.మూడేళ్ళ క్రితమే ఆయనతో ‘భవదీయుడు భగత్ సింగ్’ అనే చిత్రాన్ని చేస్తున్నట్టు అధికారికంగా ప్రకటించాడు.కానీ సెకండ్ హాఫ్ స్క్రిప్ట్ సరిగా లేకపోవడం తో, పవన్ కళ్యాణ్ సూచనల మేరకు కొన్ని మార్పులు చేర్పులు చేసి తమిళ సూపర్ హిట్ ‘తేరి’ మూవీ లైన్ ని తీసుకొని స్క్రిప్ట్ సిద్ధం చేసాడు.
ఫైనల్ డ్రాఫ్ట్ అద్భుతంగా రావడం తో పవన్ కళ్యాణ్ వెంటనే గ్రీన్ సిగ్నల్ ఇచ్చేసాడు.అప్పుడు ఈ సినిమా టైటిల్ ‘ఉస్తాద్ భగత్ సింగ్’ గా మారింది.నేడే ఈ సినిమా రెగ్యులర్ షూటింగ్ హైదరాబాద్ లోని అల్యూమినియం ఫ్యాక్టరీ లో ప్రారంభం అయ్యింది.ఇందులో పవన్ కళ్యాణ్ ప్రొఫెస్సర్ గా మరియు పోలీస్ ఆఫీసర్ గా కనిపించబోతున్నాడు.
ఇది ఇలా ఉండగా లేటెస్ట్ గా ఫిలిం నగర్ లో వినిపిస్తున్న వార్త ఏమిటంటే ఈ చిత్రం లో రవితేజ ఒక కీలక పాత్ర పోషించబోతున్నట్టు తెలుస్తుంది.ఇటీవలే రవితేజ ని కలిసి స్టోరీ వినగా వెంటనే ఓకే చెప్పేసినట్టు సమాచారం.ఈ ఏడాది సంక్రాంతి కానుకగా విడుదలైన మెగాస్టార్ చిరంజీవి ‘వాల్తేరు వీరయ్య సినిమాలో పవర్ ఫుల్ పోలీస్ ఆఫీసర్ పాత్రలో నటించి మంచి పేరు తెచ్చుకున్నాడు.’ఉస్తాద్ భగత్ సింగ్’ సినిమాలో కూడా అలాంటి పవర్ ఫుల్ పాత్ర పోషించబోతున్నాడట.దీనికి సంబంధించిన పూర్తి వివరాలు తెలియాల్సి ఉంది.
పవన్ కళ్యాణ్ రవితేజ కాంబినేషన్ లో ఒక సినిమా వస్తే చాలా బాగుంటుంది అని ఎప్పటి నుండో ఇరువురి హీరోల అభిమానులు కోరుకుంటూ ఉన్నారు.రవితేజ కూడా పలు సందర్భాలలో పవన్ కళ్యాణ్ తో ఒక సినిమా చేయాలి అనే కోరికని బయటపెట్టాడు.ఇప్పుడు చివరికి ఆ కోరిక నెరవేరబోతోంది, త్వరలోనే ఈ క్రేజీ కాంబినేషన్ ని వెండితెర మీద చూసి ఈలలు ఎయ్యబోతున్నాం.
