Ravi Babu Comments On Star Heroes: కెరీర్ ప్రారంభం నుండి పాత్ బ్రేకింగ్ సినిమాలు తీస్తూ , తనకంటూ ఒక ప్రత్యేకమైన బ్రాండ్ ఇమేజ్ ని ఏర్పాటు చేసుకున్న డైరెక్టర్ రవిబాబు. ‘అల్లరి’ అనే చిత్రం తో మొదలైన ఈయన సినీ ప్రస్థానం హారర్ , క్రైమ్ థ్రిల్లర్ జానర్స్ తో పాటు లవ్ స్టోరీస్ తో కూడా ప్రేక్షకులను అలరించాడు. అయితే ఈమధ్య కాలం లో రవి బాబు నుండి సినిమాలు రావడం బాగా తగ్గిపోయాయి. ఆయన సినిమాలను థియేటర్స్ లో చూడాలని కోరుకునే ఆడియన్స్ కి ఇది కాస్త నిరాశే. అయితే చాలా కాలం తర్వాత ఆయన దర్శకత్వం వహించడమే కాకుండా, హీరో గా కూడా నటిస్తూ చేసిన చిత్రం ‘రేజర్’. నేడు ప్రపంచవ్యాప్తంగా భారీ లెవెల్ లో విడుదలైన ఈ సినిమాకు థియేటర్స్ నుండి మిశ్రమ స్పందన లభించింది. అయితే విడుదలకు ముందు ఈ సినిమా ప్రొమోషన్స్ లో చాలా చురుగ్గా పాల్గొన్నాడు రవిబాబు.
అందులో భాగంగా ఆయన ఇచ్చిన ఒక ఇంటర్వ్యూ లో నేటి తరం పాన్ ఇండియన్ స్టార్స్ గురించి చేసిన కామెంట్స్ ఇప్పుడు సోషల్ మీడియా లో హాట్ టాపిక్ గా మారింది. ఆయన మాట్లాడుతూ ‘ఒక సినిమా కోసం రెండు మూడేళ్ళ సమయం తీసుకోవడం అనేది మూర్కత్వనికి పరాకాష్ట. హాలీవుడ్ లో తెరకెక్కే అంతర్జాతీయ సినిమాల షూటింగ్స్ కి కూడా ఇంత సమయం తీసుకోరు. మన దగ్గర మేకర్స్ కి సరైన ప్రణాళిక లేకపోవడం వల్లే , ఇలాంటివి జరుగుతున్నాయి. సినిమా మొదలు అవ్వకముందే ప్రీ ప్రొడక్షన్ పనులు పర్ఫెక్ట్ గా ప్లాన్ చేసుకోవాలి, సరైన అవగాహనా లేకుండా చేస్తే ఇలాగే ప్రతీ సినిమా ఏళ్ళ తరబడి సెట్స్ మీదనే ఉంటుంది. ఇండస్ట్రీ కి ఆదాయం లేకుండా పోతుంది , థియేటర్స్ మూత పడుతాయి’ అంటూ చెప్పుకొచ్చాడు రవిబాబు .
ఇంకా ఆయన మాట్లాడుతూ ‘హాలీవుడ్ లో ట్రాన్స్ ఫార్మర్స్ లాంటి భారీ చిత్రాన్ని కూడా పర్ఫెక్ట్ ప్రణాళిక తో చేస్తారు. అక్కడ ఒక్కో షిఫ్ట్ లో 80 నుండి 100 షాట్స్ ని తెరకెక్కిస్తుంటారు. అది వాళ్ళ ప్లానింగ్ విధానం , పనులు ఆ కారణం చేత చాలా వేగంగా అవుతాయి. కానీ మన దగ్గర ఆ స్థాయి ప్రణాళికలు లేవు , అందుకే మన ఇండస్ట్రీ ఇప్పుడు దయనీయంగా తయారైంది’ అంటూ రవిబాబు చేసిన కామెంట్స్ చర్చనీయాంశంగా మారింది.
