Akhil Akkineni : అక్కినేని అఖిల్ ఇండస్ట్రీ లోకి అడుగుపెట్టి 10 ఏళ్ళు దాటింది. ‘మనం’ మూవీ లో ఒక చిన్న క్యామియో తో ఎంట్రీ ఇచ్చిన అఖిల్ స్క్రీన్ ప్రెజెన్స్ ని చూసిన ఆడియన్స్ , అక్కినేని ఫ్యామిలీ నుండి మరో సూపర్ స్టార్ ఇండస్ట్రీ కి వచ్చేశాడు అని అంతా అనుకున్నారు. అలా భారీ అంచనాల నడుమ ‘అఖిల్ – ది పవర్ ఆఫ్ జువ్వ’ చిత్రంతో గ్రాండ్ గా హీరోగా వెండితెర అరంగేట్రం చేశారు అఖిల్. ఆ సినిమాకు భారీ రేంజ్ లో ఓపెనింగ్స్ అయితే వచ్చాయి కానీ , ఫుల్ రన్ లో పెద్ద డిజాస్టర్ గా నిల్చింది. ఇక ఆ తర్వాత అక్కినేని అఖిల్ చేసిన ప్రతీ సినిమా అభిమానులను నిరాశపరుస్తూనే ఉంది. ఎన్నో ఆశల మధ్య విడుదలైన ‘ఏజెంట్’ చిత్రం కూడా డిజాస్టర్ అయ్యింది.
దీంతో బాగా గ్యాప్ తీసుకొని ‘లెనిన్’ మూవీ స్టోరీ ని ఓకే చేశారు అఖిల్. ఈ సినిమాకు అక్కినేని నాగార్జున తో పాటు , సితార ఎంటర్టైన్మెంట్స్ నాగవంశీ కూడా నిర్మాత బాధ్యతలు పంచుకునేందుకు ముందుకు వచ్చారు. అలా మూడేళ్ళ పాటు షూటింగ్ జరుపుకున్న ఈ చిత్రం నేడు ప్రపంచవ్యాప్తంగా భారీ అంచనాల నడుమ విడుదలై మొదటి ఆట నుండే సూపర్ హిట్ టాక్ ని సొంతం చేసుకుంది. టాక్ కి తగ్గట్టుగానే ఓపెనింగ్స్ కూడా అన్ని సెంటర్స్ లో అదిరిపోయాయి. అఖిల్ కెరీర్ లోనే ది బెస్ట్ ఓపెనింగ్స్ ని సొంతం చేసుకున్న సినిమాగా ఈ చిత్రం నిల్చింది. అక్కినేని అభిమానుల సుదీర్ఘ నిరీక్షణకు తగ్గ ఫలితం రావడం తో , వారి కళ్ళల్లో ఆనందం తో నిండిపోయిన కన్నీళ్లు కనిపించాయి. ఎట్టకేలకు మా హీరో సక్సెస్ కొట్టేసాడు అనే ఆనందంతో రాష్ట్ర వ్యాప్తంగా అక్కినేని అభిమానులు థియేటర్స్ ముందు సంబరాలు చేసుకుంటున్నారు.
ఇకపోతే ఈ సినిమా అక్కినేని ఫ్యాన్స్ కి ఎలాంటి ఎమోషన్ ని ఇచ్చిందో , అఖిల్ కి అంతకు మించి వంద రేట్లు ఎక్కువ ఎమోషన్ ని రప్పించింది. ఈ సందర్భంగా నేడు అన్నపూర్ణ స్టూడియోస్ లో , ANR విగ్రహం ఎదుట మూవీ టీం కేక్ కట్ చేసింది. అఖిల్ తో పాటు నాగార్జున కూడా ఈ కార్యక్రమం లో పాల్గొన్నారు. అయితే అఖిల్ ఈ సందర్భంగా నాగార్జున కాళ్ళు పట్టుకొని , ఆ తర్వాత ఆయన్ని గట్టిగా హత్తుకొని వెక్కి వెక్కి ఏడవడాన్ని చూసి అక్కినేని ఫ్యాన్స్ మాత్రమే కాదు , ఇతర హీరోల అభిమానులు కూడా బాగా ఎమోషనల్ అయిపోయారు. ఎందుకంటే ANR లేజసీ ని నాగార్జున విజయవంతంగా కొనసాగించడమే కాదు , నేషనల్ లెవెల్ కి తీసుకెళ్లారు. కానీ ఆయన తనయుడు వరుసగా విఫలం అవుతూ రావడంతో , ఇక ఇతను హీరోగా పనికిరాడు అనే కామెంట్స్ కూడా వినిపించాయి. అలాంటి సమయంలో ఈ రేంజ్ హిట్ రావడం తో అఖిల్ తన ఎమోషన్ ని ఆపుకోలేకపోయారు.
Emotional Moment for #AkhilAkkineni! ❤️
It literally took 11 years of wait to witness this moment! pic.twitter.com/GMyFnwdbjz
— Movies4u Official (@Movies4u_Officl) July 10, 2026
