మెగాకోడలు ఉపాసన అటూ బిజినెస్ ఉమెన్ గా రాణిస్తూనే సామాజిక అంశాలపై తనదైన శైలిలో స్పందిస్తుంటారు. మెగా కోడలుగా.. రాంచరణ్ భార్యగా హుందాగా ఉంటూనే సామాజిక సేవ కార్యక్రమాల్లో తనవంతు సాయం అందించడంలో ఎల్లప్పుడూ ముందుంటారు. ఆమె అపోలో ఆస్పత్రి నిర్వహాణ బాధ్యతను చూసుకుంటూనే సామాజిక అంశాలపై స్పందిస్తూ అందరినీ ఆకట్టుకుంటున్నారు.
మెగా కోడలు ఉపాసన సోషల్ మీడియాలో యాక్టివ్ ఉంటూ అభిమానులతో తన పర్సనల్.. సామాజిక అంశాలను పంచుకోవడంలో ముందుంటుంది. ఈనేపథ్యంలోనే ఉపాసన ఆరోగ్యానికి సంబంధించిన ‘యువర్ లైఫ్’ అనే వెబ్ పోర్టర్ ను ప్రారంభించారు. ఈ పోర్టల్ ద్వారా ఆరోగ్యానికి సంబంధించిన పలు విషయాలను ఉపాసన వెల్లడిస్తున్నారు.
తాజాగా ఈ వెబ్ పోర్టల్కు టాలీవుడ్ యంగ్ హీరోయిన్ రష్మిక మందన్న గెస్ట్ ఎడిటర్గా వ్యవహరించనుంది. ఈమేరకు తనకు తెలిసిన ఆరోగ్య సూత్రాలను.. పోషకాహార తయారీ వివరాలను ‘యువర్ లైఫ్’ వెబ్ పోర్టల్ ద్వారా పంచుకునేందుకు సిద్ధమైంది.
ఇప్పటికే ఈ వెబ్ పోర్టల్కు సమంత గెస్ట్ ఎడిటర్గా హాజరై పలు ఆరోగ్యకరమైన.. రుచికరమైన రెసిపీలను పరిచయం చేసింది. ఇక తాజాగా రష్మిక కూడా తనకు తెలిసిన ఆరోగ్య సూత్రాలను పంచుకునేందుకు సిద్ధమవుతోంది.
