Raashi Khanna: ఊహలు గుసగుసలాడే చిత్రంతో తెలుగు తెరకు పరిచయమైన ముద్దుగుమ్మ రాశీ ఖన్నా. మొదటి సినిమా తోనే ప్రేక్షకులలో మంచి గుర్తింపు తెచ్చుకుంది రాశీ ఖన్నా. ఆ తరవాత వచ్చిన ‘జిల్’ సినిమాలో గ్లామర్ ట్రీట్ ఇచ్చి యువకుల హృదయాల్ని కొల్లగొట్టింది. టాలీవుడ్ కోలీవుడ్ అనే తేడా లేకుండా దున్నేస్తున్న ఈ భామ, వరుస ఆఫర్స్ తో దూసుకుపోతుంది. ముఖ్యంగా తమిళంలో అరడజనుకు పైగా చిత్రాల వరకు చేస్తుంది. వరల్డ్ ఫేమస్ లవర్ చిత్రం తర్వాత టాలీవుడ్ లో చిన్న గ్యాప్ తీసుకున్న ఈ ముద్దుగుమ్మ ఇప్పుడు మళ్ళీ పలు సినిమాలతో బిజీ అవుతుంది.
Rashi Khanna
మరోవైపు బాలీవుడ్లోనూ ఫుల్ షెడ్యూల్ వేసుకుంది ఈ బ్యూటీ. తాజాగా, తను నటించనున్న బాలీవుడ్ సినిమా నుంచి క్రేజీ అప్డేట్ వచ్చింది. ధర్మ ప్రొడక్షన్స్లో కరణ్ జోహార్ నిర్మిస్తున్న యోధ సినిమాలో రాశీ ఖన్నా కీలక పాత్ర పోషించనున్నట్లు తెలిపింది. దిశా పటానీతో కలిసి యోధా టీమ్లో తానూ చేరనున్నట్లు స్వయంగా రాశీ ఖన్నా సోషల్మీడియా వేదికగా తెలియజేసింది. ఈ క్రమంలోనే సినిమా లోగోను షేర్ చేసింది.
Also Read: ప్చ్ క్రేజీ బ్యూటీ… అంతా పడిపోయాక తత్వం బోధపడితే ఎలా ?
గతంలో 2013లో జాన్ అబ్రహం నటించిన మద్రాస్ కేఫ్ సినిమాతో బాలీవుడ్లో అడుగుపెట్టింది రాశీ. మళ్లీ 8ఏళ్ల తర్వాత తన అదృష్టాన్ని పరీక్షించుకోవాలని చూస్తోంది. ఈ సినిమా వచ్చే ఏడాది నవంబరు 11న థియేటర్లలో విడుదల కానుంది. ఇందులో సిద్ధార్థ్ మల్హోత్రా హీరోగా నటించనున్నారు. గతనెలలోనే షూటింగ్ ప్రారంభించిన చిత్రబృందం.. అందుకు సంబంధించిన గ్లింప్స్ను సోషల్మీడియాలో షేర్ చేశారు. ఈ సినిమాకు సాగ్ అంబ్రే, పుష్కర్ ఓజా దర్శకత్వం వహిస్తున్నారు. ఇటీవల కాలంలో తెలుగులో పెద్దగా అవకాశాలు దక్కించుకోలేని ఈ భామ.. ఇప్పుడు బాలీవుడ్లో తన మార్క్ను క్రియేట్ చేయాలని చూస్తోంది.
Also Read: బాలయ్య కోసం లుక్ మార్చబోతున్న శ్రుతి హాసన్ !
