హీరో రానా ఇటీవల తన ప్రేమాయణాన్ని సోషల్ మీడియాలో బయటపెట్టాడు. తన ప్రియురాలు తన లవ్ ను ఓకే చేసిందని ట్వీట్ చేసిన సంగతి తెల్సిందే. దీంతో పలువురు సెలబ్రెటీలు రానాకు విషెష్ తెలిపారు. ఈనేపథ్యంలో రానా పెళ్లి త్వరలోనే జరుగనుందని క్లారిటీ వచ్చింది. ఈమేరకు రానా తండ్రి, టాలీవుడ్ బడా నిర్మాత సురేష్ బాబు పెళ్లిపై తాజాగా ఓ ఇంటర్వ్యూలో స్పందించారు. రానా-మిహీకాలు ఒకరికొకరు చాలారోజులుగా తెలుసని అన్నారు.
కానీ వీరిద్దరూ ప్రేమించుకుంటున్నారని విషయం తెలియదని చెప్పారు. వీరిద్దరూ పెళ్లి చేసుకుంటారని తాను అనుకోలేదని చెప్పారు. అయితే రానా పెళ్లి విషయం తనకు చాలా సంతోషాన్నిచ్చిందని సురేష్ బాబు తెలిపారు.
లాక్డౌన్ సమయంలో రానా తనకు పెద్ద పని పెట్టాడని సురేష్ బాబు అన్నారు. ఇప్పటి నుంచి రానా పెళ్లి పనులను ప్రారంభించనున్నట్లు చెప్పారు. అన్ని పనులు కలిస్తే రానా పెళ్లి డిసెంబర్లోనే చేసేందుకు రెడీ అన్న సంకేతాన్ని ఆయన ఇచ్చారు. ఇటీవల దగ్గుపాటి ఫ్యామిలీకి చెందిన విక్టరీ వెంకటేష్ తన కూతురి వివాహం అంగరంగ వైభవంగా చేశారు. తాజాగా సురేష్ బాబు తన కుమారుడు రానాకు త్వరలోనే పెళ్లి చేసేందుకు రెడీ అవుతున్నాడు. దీంతో దగ్గుపాటి ఫ్యాన్స్ ఖుషీ అవుతున్నారు.
