మెగాస్టార్ తో నటించాలని ఉందంటున్న సీనియర్ హీరోయిన్

ఒకప్పుడు చిత్రసీమలో స్టార్ హీరోయన్ గా రమ్యకృష్ణ హవా కొనసాగింది. సౌత్ లోని అగ్ర హీరోలందరి సరసన రమ్యకృష్ణ నటించింది. గ్లామర్ పరంగానే కాకుండా నటనపరంగా అభిమానులను అలరించింది. ఆ తర్వాత దర్శకుడు కృష్ణవంశీని పెళ్లి చేసుకుంది. కొద్దిరోజులపాటు సినిమాలకు దూరంగా ఉన్న రమ్యకృష్ణ సినిమాల్లో సెకండ్ ఇన్నింగ్స్ మొదలుపెట్టిన సంగతి తెల్సిందే. దర్శకుడు రాజమౌళి తెరకెక్కించిన ‘బాహుబలి’లో రాజమాత శివగామిగా అద్భుతంగా నటించి మెప్పించింది. పలు సినిమాలతో బీజీగా మారిన రమ్యకృష్ణ తాజాగా ఆమె మెగాస్టార్ తో మరోసారి నటించాలనే కోరికను వెలిబుచ్చింది.

చిత్రసీమలో ఒకప్పుడు సత్తాచాటిన హీరోయిన్లంతా ప్రస్తుతం వెబ్ సీరిసులలో నటిస్తున్నారు. ఈ కోవలోనే రమ్యకృష్ణ కూడా తమిళనాడు మాజీ సీఎం జయలలిత జీవితాధారంగా నిర్మిస్తున్న ‘క్వీన్’ వెబ్ సీరిసులో నటించింది. ఈ వెబ్ సీరిసులో తమిళనాడులో విశేష ప్రజాదరణ లభించింది. ఈనేపథ్యంలోనే మెగాస్టార్ చిరంజీవితో కలిసి తెలుగులో ఓ వెబ్ సీరిస్ చేయాలను ఉందనే ఆకాంక్షను రమ్యకృష్ణ వెలిబుచ్చింది. ప్రస్తుతం లాక్డౌన్ కారణంగా థియేటర్లు, షూటింగులు వాయిదాపడటంతో సెలబ్రెటీలంతా ఓటీటీ ప్లాట్ ఫామ్స్, వెబ్ సీరిసులవైపు చూస్తున్నారు. ఈమేరకు మెగాస్టార్ చిరంజీవి కూతురు సుప్రియ కూడా త్వరలోనే వెబ్ సీరిసులను నిర్మించేందుకు ప్లాన్ చేస్తోంది. మెగా హీరోలతో సొంతంగా వెబ్ సీరిసులను తీసి ఓటీటీ ప్లాట్ ఫామ్స్ లో విడుదల చేయాలని భావిస్తోంది. సుప్రియ నిర్మించే వెబ్ సీరిసులో నటించేందుకు మెగాస్టార్ ఇప్పటికే గ్రీన్ సిగ్నల్ ఇచ్చాడు.

ఈనేపథ్యంలో రమ్యకృష్ణ చేసిన వ్యాఖ్యలు ఆసక్తిని రేపుతోన్నాయి. అన్ని అనుకున్నట్లు జరిగితే మెగాస్టార్ తో రమ్యకృష్ణ త్వరలో నటించే అవకాశం లేకపోలేదు. గతంలో వీరిద్దరి కాంబినేషన్లో వచ్చిన సినిమాలు బ్లాక్ బస్టర్ మూవీలుగా నిలిచాయి. రమ్యకృష్ణ వ్యాఖ్యలను మెగా అభిమానులు కూడా స్వాగతిస్తున్నారు. వీరిద్దరి కాంబోలో వెబ్ సీరిస్ వస్తే బాగుంటుందని అభిమానులు అంటున్నారు. వీరిద్దరి కాంబినేషన్ సెట్ అవుతుందో లేదో వేచి చూడాల్సిందే..!