Peddi Success Meet: గ్లోబల్ స్టార్ రామ్ చరణ్ హీరో గా నటించిన లేటెస్ట్ చిత్రం ‘పెద్ది’ బాక్స్ ఆఫీస్ వద్ద ఏ రేంజ్ వసూళ్ల సునామీ ని సృష్టించిందో మనమంతా చూశాము. గత కొంత కాలంగా లాంగ్ థియేట్రికల్ రన్ అంటే ఏంటో మర్చిపోయిన మన టాలీవుడ్ కి , లాంగ్ రన్ అంటే ఏంటో రుచి చూపించిన చిత్రమిది. మెగా ఫ్యామిలీ హీరో కి పాజిటివ్ టాక్ పబ్లిక్ లో ఉంటే వసూళ్లు ఎక్కడ మొదలై , ఎక్కడ ఆగుద్దో ఎవ్వరూ చెప్పలేరు అనడానికి మరో నిదర్శనమే ఈ పెద్ది. కమర్షియల్ గా కొన్ని చోట్ల బ్రేక్ ఈవెన్ మార్కుని అందుకోలేకపోయింది , అది ప్రతీ సినిమాకు సాధారణమే కానీ , ఈ సినిమా ద్వారా రామ్ చరణ్ సంపాదించుకున్న పేరు , గౌరవ మర్యాదలు మాత్రం చాలా గొప్పవి.
ఇకపోతే నిన్న హైదరాబాద్ లోని శిల్ప కళా వేదిక లో ఈ సినిమాకు సంబంధించిన విజయోత్సవ సభ ని నిర్వహించారు మేకర్స్. ఈ సభ లో రామ్ చరణ్ మాట్లాడిన మాటలు ఇప్పుడు సోషల్ మీడియా లో బాగా వైరల్ అయ్యాయి. ఆయన మాట్లాడుతూ ‘ నా కెరీర్ లో ఎన్నో సూపర్ హిట్ చిత్రాలు ఉండొచ్చు, భవిష్యత్తులో ఇంకా పెద్ద హిట్స్ రావొచ్చు , కానీ పెద్ది మాత్రం నా కెరీర్ లో ఎంతో స్పెషల్. ఈ సినిమా తర్వాత చాలా మంది నా పేరు రామ్ చరణ్ అనే విషయం మర్చిపోయారు , పెద్ది పెద్ది అని పిలుస్తున్నారు. నా కూతురు ‘పెద్ది’ విడుదలకు ముందు నాన్న అని పిలిచేది. కానీ ఇప్పుడు ‘పెద్ది’ అని పిలుస్తోంది. నన్ను నాన్న అని పిలవడం పూర్తిగా మర్చిపోయింది. ఆ స్థాయిలో ఈ పాత్ర జనాల్లోకి దూసుకుపోయింది , అందుకు ఎంతో ఆనందం గా ఉంది’ అంటూ చెప్పుకొచ్చారు రామ్ చరణ్.
ఇంకా ఆయన మాట్లాడుతూ ‘డైరెక్టర్ బుచ్చి బాబు నాకు ఈ కథ చెప్పినప్పుడు ఒక ప్రయోగం చేస్తున్నాను అని అనిపించలేదు , ఒక గొప్ప సినిమా చేయబోతున్నాను అనిపించింది. కథని బలంగా నమ్మి ఈ చిత్రాన్ని చేశాను , అందుకు ఆడియన్స్ మా పై కురిపించిన ఈ ప్రేమ మరువలేనిది. ప్రతీ టెక్నీషియన్ ఈ చిత్రం కోసం ప్రాణం పెట్టి పని చేశారు. ముఖ్యంగా ఏఆర్ రెహమాన్ గారికి మీరంతా గట్టిగా చప్పట్లు కొట్టాలి. ఈ సినిమాకు ఆయన అందించిన మ్యూజిక్ వెన్నుముక లాగా నిల్చింది. ఇక నిర్మాత సతీష్ గారి గురించి చెప్పాల్సి వస్తే , నేను చాలా మంది నిర్మాతలతో పని చేశాను కానీ , సతీష్ గారి లాంటి ప్యాషన్ ఉన్న నిర్మాతతో పని చెయ్యలేదు. ఇది ఆయన మొదటి సినిమాగా మాకు అనిపించలేదు’ అంటూ చెప్పుకొచ్చాడు రామ్ చరణ్. ఇంకా ఆయన ఏమి మాట్లాడాడో ఈ క్రింది వీడియో లో చూడండి.
