Ram Charan Peddi Movie : గ్లోబల్ స్టార్ రామ్ చరణ్(Global Star Ram Charan) నటించిన ‘పెద్ది'(Peddi Movie) మూవీ రెండవ పాట అప్డేట్ కోసం ఫ్యాన్స్ ఎంతో ఆతృతగా ఎదురు చూస్తున్నారు. ఇప్పటికే ఈ చిత్రం నుండి విడుదలైన ‘చికిరి చికిరి’ పాట గ్లోబల్ వైడ్ గా ఎలాంటి సెన్సేషన్ సృష్టించిందో ప్రత్యేకించి చెప్పనవసరం లేదు. కేవలం తెలుగు వెర్షన్ లోనే ఈ పాటకు యూట్యూబ్ లో 160 మిలియన్ కి పైగా వ్యూస్ వచ్చాయి. ఇప్పటికీ ఈ పాట మ్యూజిక్ ప్లాట్ ఫారమ్స్ లో ట్రెండ్ అవుతూనే ఉంది. అంత పెద్ద బ్లాక్ బస్టర్ సాంగ్ తర్వాత ఈ చిత్రం నుండి విడుదల అవ్వబోయే ప్రతీ పాట పై అంచనాలు భారీ రేంజ్ లో ఉంటాయి. రెండవ పాట పైన కూడా అలాంటి అంచనాలే ఉన్నాయి. ఈ పాట సినిమాలోని ఇంట్రడక్షన్ సాంగ్ అట. మంచి మోటివేషనల్ గా కూడా ఉంటుందట.
అనంత శ్రీరామ్ ఈ పాటకు లిరిక్స్ ని అందించాడు. ‘చికిరి చికిరి’ పాటకు కొరియోగ్రఫీ చేసిన జానీ మాస్టర్ ఈ పాటకు కూడా కొరియోగ్రఫీ చేసాడు. మొదటి పాటకంటే రెండవ పాట చాలా బాగా వచ్చిందట. రామ్ చరణ్ స్టెప్పులు కూడా అదిరిపోతాయట. ఒక్క పాట హిట్ అయ్యినందుకే పెద్ది మూవీ అంచనాలు పాన్ ఇండియా లెవెల్ లో ఎవ్వరూ ఊహించని రేంజ్ కి చేరింది. ఇక రెండవ పాట కూడా హిట్ అయితే ఈ సినిమా రేంజ్ ఎక్కడికి వెళ్లి ఆగుతుందో మీ ఊహకాలకే వదిలేస్తున్నాం. ఈ పాటకు సంబంధించిన ప్రోమో ని శివరాత్రి రోజున విడుదల చేసి, పూర్తి పాటని వచ్చే వారం విడుదల చేయబోతున్నట్టు సమాచారం . మరి ఈ పాటకు ఈవెంట్ ని ఏమైనా ఏర్పాటు చేస్తారా లేదా అనేది ప్రస్తుతానికి సస్పెన్స్. ఇకపోతే ఈ చిత్రాన్ని మొదట్లో మార్చి 27 న విడుదల చెయ్యాలని అనుకున్నారు కానీ, షూటింగ్ చాలా వరకు బ్యాలన్స్ ఉండడం తో ఏప్రిల్ 30 వ తేదికి వాయిదా వేశారు. ఈ సినిమా షూటింగ్ పూర్తి అవ్వడానికి ఇంకా 40 రోజుల సమయం ఉందట. రామ్ చరణ్ కూడా రెగ్యులర్ గా షూటింగ్ లో పాల్గొంటున్నాడు.
