Ram Charan Peddi Movie Updates: గ్లోబల్ స్టార్ రామ్ చరణ్(Global Star Ram Charan) హీరో గా నటిస్తున్న ‘పెద్ది'(Peddi Movie) మూవీ షూటింగ్ రేపటితో పూర్తి అవ్వబోతుంది. గత మూడు రోజులుగా రామ్ చరణ్ , శృతి హాసన్ లపై ఐటెం సాంగ్ ని చిత్రీకరిస్తున్నారు. రేపటితో ఈ సాంగ్ చిత్రీకరణ ముగుస్తుంది. ఇకపోతే ఈ చిత్రాన్ని జూన్ 25 న విడుదల చేయబోతున్నట్టు డైరెక్టర్ బుచ్చి బాబు రీసెంట్ గా జరిగిన ఒక ఈవెంట్ లో ప్రకటించిన సంగతి తెలిసిందే. అయితే జూన్ 4 నుండి టాక్సిక్ చిత్రం వాయిదా పడడంతో , ఇప్పుడు ‘పెద్ది ‘ ని జూన్ 4 న విడుదల చేయడానికి సన్నాహాలు చేస్తున్నారు. మరో రెండు రోజుల్లో అధికారిక ప్రకటన వచ్చే అవకాశం ఉంది. ఇదంతా పక్కన పెడితే ఈ చిత్రానికి సంబంధించిన కొన్ని ఆసక్తికరమైన విషయాలు ఇప్పుడు సోషల్ మీడియా లో బాగా వైరల్ అయ్యాయి.
పూర్తి వివరాల్లోకి వెళ్తే ‘పెద్ది’ లో రామ్ చరణ్ ఇప్పటి వరకు క్రికెట్ ఆడడం చూసాము, అదే విధంగా కుస్తీ ఆడడం కూడా చూశాము , ఇప్పుడు రామ్ చరణ్ ఈ చిత్రం లో మూడవ స్పోర్ట్ కూడా ఆడాడట. మరి ఆ స్పోర్ట్ ఏంటి అనేది ప్రస్తుతానికి సస్పెన్స్. సినిమాలో చివరి 40 నిమిషాల్లో వచ్చే స్పోర్ట్ లో రామ్ చరణ్ నట విశ్వరూపం చూపించాడని , ఫ్యాన్స్ తో పాటు ఆడియన్స్ నుండి కూడా ఆయనకు ఈ చివరి 40 నిమిషాల్లో చేసే నటనకు ప్రశంసల వర్షం కురిపిస్తారని, రామ్ చరణ్ కి ఈ సినిమా ద్వారా మొట్టమొదటి నేషనల్ అవార్డు కూడా వచ్చే అవకాశాలు ఉన్నాయని అంటున్నారు. త్వరలోనే ఈ స్పోర్ట్ కి సంబంధించిన టీజర్ ని కూడా విడుదల చేయబోతున్నారట మేకర్స్. ఇకపోతే ఈ సినిమాకు సంబంధించిన ఓవర్సీస్ అడ్వాన్స్ బుకింగ్స్ మే మొదటి వారం లో మొదలయ్యే అవకాశాలు ఉన్నాయని అంటున్నారు.
