Ram Charan Birthday Surprise: గ్లోబల్ స్టార్ రామ్ చరణ్(Global Star Ram Charan) నటిస్తున్న ‘పెద్ది'(Peddi Movie) చిత్రం కోసం అభిమానులు , ప్రేక్షకులు ఎంత ఆత్రుతతో ఎదురు చూస్తున్నారో ప్రత్యేకించి చెప్పనవసరం లేదు. ఈ సినిమా నుండి ఏ చిన్న కంటెంట్ బయటకు వచ్చినా ఒక రేంజ్ లో పేలుతుంది. దీనిని బట్టీ ఈ సినిమా ఎలా ఉండబోతుంది అనేది చెప్పేయొచ్చు. ఒక సినిమా సూపర్ హిట్ అవుతుందో లేదో అనేది, ఈమధ్య కాలం లో ప్రీ రిలీజ్ కి ముందు మేకర్స్ విడుదల చేసే కంటెంట్ ని బట్టే ఉంటుంది. వచ్చే నెల 30 వ తారీఖున విడుదల అవ్వబోతున్న ఈ సినిమాకు సంబంధించిన టీజర్ ని రామ్ చరణ్ పుట్టిన రోజు సందర్భంగా మార్చి 27 న విడుదల చేయబోతున్నారు మేకర్స్. ఇప్పటికే ఈ చిత్రం నుండి క గ్లింప్స్ వీడియో వచ్చింది.
Also Read: టోర్నీకి ముందే చెన్నై పరిస్థితి ఇలా అయిపోయింది ఏంటి.. ఎవరు కాపాడుతారు?
ఈ గ్లింప్స్ వీడియో లో రామ్ చరణ్ క్రికెట్ విశ్వరూపం చూసారు. ఈ నెల 27 న విడుదల చేయబోతున్న టీజర్ లో రామ్ చరణ్ కుస్తీ ఫైట్ ని చూస్తారట. 1 నిమిషం 40 సెకండ్స్ నిడివి ఉన్న టీజర్ అట. ఈ టీజర్ తో సినిమా పై ఉన్న అంచనాలు పదింతలు రెట్టింపు అవుతాయని టాక్. ఇదే రోజున ఓవర్సీస్ కి సంబంధించిన అడ్వాన్స్ బుకింగ్స్ కూడా మొదలు పెట్టబోతున్నారు అట. దీనిపై అంచనాలు మామూలు రేంజ్ లో లేవు. ప్రతీ ఒక్కరు కచ్చితంగా ఈ సినిమాకు నార్త్ అమెరికా ప్రీమియర్ షోస్ నుండి 3 మిలియన్ డాలర్స్ వస్తాయని ఆశిస్తున్నారు. ఇప్పటి వరకు నార్త్ అమెరికా ప్రీమియర్ షోస్ కి 3 మిలియన్ డాలర్స్ గ్రాస్ వసూళ్లను రాబట్టిన హీరోలు పవన్ కళ్యాణ్ , ప్రభాస్, అల్లు అర్జున్ మాత్రమే. ఇప్పుడు ‘పెద్ది’ తో రామ్ చరణ్ కూడా ఆ జాబితాలోకి చేరుతాడని ఆశిస్తున్నారు మేకర్స్.
అయితే కొంతమంది మాత్రం ఈ సినిమా వాయిదా పడే అవకాశాలు ఎక్కువగా ఉన్నాయని అంటున్నారు. ప్రస్తుతానికి ఈ సినిమాకు సంబంధించిన క్లైమాక్స్ షూటింగ్ ని జరుపుతున్నారు. ఇది పూర్తి అయ్యాక పోస్ట్ ప్రొడక్షన్ వర్క్ ని సాధ్యమైనంత తొందరగా పూర్తి చేసి , ఏప్రిల్ 30 న ఎట్టి పరిస్థితిలోను విడుదల చెయ్యాలని చూస్తున్నారట. పోస్ట్ ప్రొడక్షన్ వర్క్ షూటింగ్ తో పాటు సమాంతరంగా సరైన సమయానికే జరుగుతుంది కానీ, VFX వర్క్ మాత్రం చాలా వరకు బ్యాలన్స్ ఉందట. అవి ఆన్ టైం డెలివరీ అయితే కచ్చితంగా ఈ చిత్రం ఏప్రిల్ 30 న విడుదల అవుతుందని అంటున్నారు. చూడాలి మరి రాబోయే రోజుల్లో ఏమి జరగబోతుంది అనేది.
