Rajinikanth On Chandramukhi 2: హర్రర్ అండ్ యాక్షన్ నేపథ్యంలో వచ్చిన చంద్రముఖి 2 సెప్టెంబర్ 28న థియేటర్లోకి వచ్చింది. 2005లో పి. వాసు డైరెక్షన్లో వచ్చిన ఈ మూవీ ఫస్ట్ పార్ట్ లో సూపర్ స్టార్ రజనీకాంత్ నటించారు. ఇందులో చంద్రముఖిగా జ్యోతిక నటించి పాన్ ఇండియా లెవల్లో భయపెట్టింది. తాజాగ పి. వాసు నే చంద్రముఖి 2 ను తీసుకొచ్చారు. ఇందులో రజనీ ప్లేస్ లో లారెన్స్ నటించగా.. చంద్రముఖి గా బాలీవుడ్ నటి కంగనా రానౌత్ నటించింది. చంద్రముఖి అప్పట్లో బ్లాక్ బస్టర్ గా నిలిచింది. ఇప్పటికీ టీవీల్లో వస్తూ అలరిస్తోంది. ఈ నేపథ్యంలో చంద్రముఖి 2 థియేటర్లోకి రావడంతో ప్రేక్షకుల్లో ఆసక్తి పెరిగింది. ఈ నేపథ్యంలో చంద్రముఖి పార్ట్ 1 లో నటించిన రజనీకాంత్ ఓ లెటర్ ను రాశాడు. ఇందులో రజనీ రాసిన కామెంట్స్ పై ఆసక్తి చర్చ సాగుతోంది.
చంద్రముఖి పార్ట్ 1లో రజనీకాంత్ తన నటనతో ఆకట్టుకున్నాడు. ఇందులో ఓ వైపు సైకాలాజికల్ డాక్టర్ గా.. మరోవైపు విచిత్ర మహారాజుగా నటించి ఆకట్టుకున్నారు. ఒక దశలో రజనీనిని రాజు వేషంలో చూసి రియల్ గా అలాగే ఉన్నారేమో అనుకునేంతగా లీనమైపోయాడు. మరోవైపు కామెడీతో కడుపుబ్బా నవ్విస్తూ.. నయనతారతో రొమాన్స్ చేస్తూ… అన్ని విధాలుగా ఆకట్టుకున్నారు. మిగతా క్యారెక్టర్స్ కంటే రజనీ పాత్ర ఇందులో హైలెట్ గా నిలుస్తుంది. ఇందులో రజనీ తప్ప వేరే ఎవరూ చేసినా సినిమా హిట్టు కాకపోయి ఉండేదని కొంతమంది ఆసక్తిగా చర్చించుకుంటారు.
ఈ తరుణంలో చంద్రముఖి 2 రిలీజ్ పై కొన్ని ట్రోలింగ్స్ వెలువడ్డాయి. చంద్రముఖి 2లో రజనీ ప్లేసులో రాఘవ లారెన్స్ నటించారు. ఈయన ఇప్పటికే సొంతంగా పలు హర్రర్ సినిమాలు తీసి ప్రత్యేక గుర్తింపు తెచ్చుకున్నాడు. అయితే చంద్రముఖి 2లో ఎంతో ప్రయత్నించినా రజనీ లా నటించలేవని కొందరు సూపర్ స్టార్ సినిమా రిలీజ్ కు ముందే కామెంట్స్ చేశారు. సినిమా రిలీజ్ అయ్యాక పార్ట్ 1 లో ఉన్న హర్రర్ నెస్ ఇందులోలేదని కొంరు తమ అభిప్రాయాన్ని వ్యక్తం చేస్తున్నారు.
ఇలాంటి సమయంలో ఈ మూవీపై రజనీకాంత్ సంచలన విషయాలను వెల్లడిస్తూ ఓ లెటర్ రాశాడు. ఇందులో ‘నా స్నేహితుడు పి. వాసు తన చంద్రముఖి సినిమాను కొత్త యాంగిల్ లో చూపించడానికి చంద్రముఖి 2 గా ప్రేక్షకుల ముందుకు తీసుకొచ్చాడు. ఈ సినిమా ఎంతో ఆకట్టుకుంటోంది. ఈ సందర్భంగా పి.వాసు, రాఘవ లారెన్స్ తో పాటు చిత్ర బృందానికి ప్రత్యేక అభినందనలు’ అని లెటర్లో రాశాడు. ఈ లెటర్ ను నిర్మాతలు తమ సోషల్ మీడియా ఖాతలో పోస్టు చేసి హల్ చల్ చేస్తున్నారు.