Jailer 2 Movie: ఇండియన్ సినిమా ఇండస్ట్రీ కొత్త పుంతలు తొక్కుతూ ముందుకు దూసుకెళ్తుంది. ఇండియన్ సినిమా ఇండస్ట్రీలో ఉన్న స్టార్ హీరోలందరు తమదైన రీతిలో సత్తా చాటుకుంటూ ముందుకు దూసుకెళ్తుండడం విశేషం… ఇక తమిళ్ సినిమా ఇండస్ట్రీలో ఉన్న హీరోలందరు 1000 కోట్ల కలెక్షన్స్ ను కొల్లగొట్టడానికి తీవ్రమైన ప్రయత్నం చేస్తున్నారు. ఇప్పటివరకు వాళ్ళు సాధించిన విజయాలు ఒక రేంజ్ లో ఉంటే రాబోయే రోజుల్లో వాళ్లు క్రియేట్ చేయబోయే సునామీ మరొ రేంజ్ లో ఉండబోతుందట. ఇండియన్ సినిమా ఇండస్ట్రీ లో తనకంటూ ఒక ఐడెంటిటి క్రియేట్ చేసుకున్న నటుడు రజినీకాంత్… ఆయన ఎన్నో పెను ప్రభంజనాలను సృష్టించినప్పటికి ఇప్పటివరకు ఒక్క సినిమాతో కూడా 1000 కోట్ల కలెక్షన్స్ ని కొల్లగొట్టలేదు. గత సంవత్సరం వచ్చిన ‘కూలీ ‘ సినిమాతో ఆ ఫీట్ ని అందుకుంటాడని అందరు అనుకున్నప్పటికి అది సాధ్యపడలేదు. దాంతో ఇప్పుడు ఆయన ‘జైలర్ 2’ సినిమాతో మరోసారి ప్రేక్షకుల ముందుకు రావడానికి సిద్ధమవుతున్నాడు. అక్టోబర్ 15వ తేదీన ప్రేక్షకుల ముందుకు రాబోతున్న ఈ సినిమాతో తనకంటూ ఒక ఐడెంటిటి క్రియేట్ చేసుకోవాలనే ప్రయత్నాల్లో ఉన్నాడు.
ఇక 1000 కోట్ల మార్కును ఈజీగా దాటుతానని ఒక కాన్ఫిడెంట్ తో అయితే ఆయన ముందుకు సాగుతున్నట్టుగా తెలుస్తుంది. నెల్సన్ డైరెక్షన్లో ఇంతకుముందు తెరకెక్కిన జైలర్ సినిమా భారీ విజయాన్ని సాధించింది. అందుకే జైలర్ 2 సినిమాని సైతం పట్టాలెక్కించినట్టుగా తెలుస్తుంది…
నెల్సన్ కమర్షియల్ సినిమాలనే చాలా పర్ఫెక్ట్ గా తెరకెక్కించి కలెక్షన్ల సునామిని సృష్టిస్తాడు అనే ఒక పేరైతే ఉంది. ఆయన సినిమాలో ప్రతిదీ మీటర్ మీద ఉన్నట్టుగానే ఉంటాయి. ఒక పాట తర్వాత ఫైట్, ఎలివేషన్స్ పర్ఫెక్ట్ గా సెట్ చేస్తాడు… ఇక జైలర్ సినిమాలో మోహన్ లాల్, శివ రాజ్ కుమార్ లు క్యామియో రోల్స్ పోషించారు.
‘జైలర్ 2’ సినిమా విషయానికి వస్తే బాలీవుడ్ స్టార్ హీరో హృతిక్ రోషన్ ఇందులో ఒక కీలక పాత్రలో నటిస్తున్నాడు. మరి అతని పాత్ర కూడా ఈ సినిమాలో డిఫరెంట్ గా ఉండబోతుందట. దాదాపు 5 నిమిషాల పాటు ఆయన ఈ సినిమాలో కనిపిస్తాడనే వార్తలు కూడా వినిపిస్తున్నాయి. మొత్తానికైతే రజినీకాంత్ ఈ సినిమాతో 1000 కోట్ల కలెక్షన్స్ ని సాధించి తన కలను నెరవేర్చుకుంటాడా లేదా అనేది చర్చనీయాంశంగా మారింది…
