Rajanikanth: సూపర్స్టార్ రజనీకాంత్ నిన్న డిసెంబరు 12న పుట్టిన రోజు అన్న సంగతి తెలిసిందే. ఈ సందర్భంగా ఆయనకు సోషల్మీడియా వేదికగా సెలబ్రిటీలు, రాజకీయ నాయకులతో పాటు అభిమానుల నుంచి శుభాకాంక్షలు వెల్లువెత్తాయి. కొంత మంది అభిమానులు రజనీ ఇంటి ముందుకు వచ్చి పండగ వాతావరణం నెలకొల్పారు. రజనీకాంత్కు దీంతో 70 వసంతాలు పూర్తిచేసుకుని. 71లోకి అడుగుపెట్టారు. కాగా, ఆయన తన పుట్టినరోజు వేడుకలను చాలా సింపుల్గా జరుపుకున్నారు. కుటుంబసభ్యులతో కూతురు, మనవళ్ల మధ్య జరిగిన ఈ పుట్టినరోజు వేడుకకు సంబంధించిన ఫొటోలు ప్రస్తతం నెట్టింట వైరల్గా మారారియ కాగా, ఈ ఫొటోల్లో రజనీకాంత్ ఎప్పటిలాగే చాలా సాదాసీదా పంచె, షర్ట్తో కనిపించారు.
ప్రస్తుతం ఈ పిక్స్ నెట్టింట వైరల్గా మారాయి. కాగా, రజనీ తనను నటించే ఒక్కో సినిమాకు కోట్లలో రెమ్యునరేషన్ తీసుకుంటున్న సంగతి తెలిసిందే. ఈ క్రమంలోనే ఆయనకు కొన్ని వందల కోట్ల ఆస్తి ఉంది. అయితే, ఆయన సంపాదించే వాటిలో చాలా వరకు దాన ధర్మాలకే అంకితం చేస్తుంచారు తలైవా. ఒక్కోసారి తన సినిమా ఫ్లాప్ అయితే.. నిర్మాత నష్టపోకూడదని తన రెమ్యునరేష్ కూడా వదులుకున్న సందర్భాలు చాలానే ఉన్నాయి.
ఇటీవలే అన్నాత్తై సినిమాతో వచ్చిన రజనీ.. మంచి హిట్ అందుకున్నారు. రోబో తర్వాత పెద్దగా హిట్ కొట్టలేని రజనీ.. పేటా, దర్బార్తో సరికొత్త ట్రెండ్ సృష్టించిన సంగతి తెలిసిందే. ఇప్పటికీ విభిన్న పాత్రల్లో కనిపిస్తూ ప్రేక్షకులను అలరిస్తూనే ఉన్నారు.
