Radhe Shyam: రెబల్ స్టార్ ప్రభాస్ హీరోగా రాధాకృష్ణ కుమార్ దర్శకత్వంలో పాన్ ఇండియా సినిమాగా తెరకెక్కుతోన్న చిత్రం రాధేశ్యామ్. పీరియాడికల్ లవ్స్టోరీ నేపథ్యంలో 1970ల కాలంనాటి ఇటలీ బ్యాక్ డ్రాప్ కథాంశంతో ఈ సినిమా రూపొందిస్తున్నారు. యూవీ క్రియేషన్స్ పతాకంపై వంశీ ప్రమోద్- ప్రసీద సంయుక్తంగా భారీ బడ్జెట్తో నిర్మిస్తున్న సినిమా ఇది కాగా, మరో ఈ సినిమా నుంచి మరో ఇంట్రెస్టింగ్ అప్డేట్ వచ్చింది. ఈ సినిమా క్లైమాక్స్ కోసం దాదాపు సంవత్సరం పాటు పని చేసినట్లు ఈ మూవీ సినిమాటోగ్రాఫర్ మనోజ్ పరమహంస తెలిపారు. ఆ ఒక్క సీన్ సినిమాకు ఎంతో ప్రత్యేకంగా నిలుస్తుందని దానికోసం తాను కూడా ఏడాది పాటు ఆలోచించినట్లు మనోజ్ వెల్లడించారు. ఇలాంటి క్లైమాక్స్ను అమలు చేయడం.. ప్రేక్షకులను ఒప్పించడం అంత సులువైన విషయం కాదని ఆయన అన్నారు. దీనిపై కంటిమీద కునుకు లేకుండా రీసెర్చ్ చేస్తూనే ఉన్నామని అన్నారు. క్లైమాక్స్లో చాలా ఆసక్తికర విషయాలు చూపించబోతున్నట్లు మనోజ్ తెలిపారు.
కాగా, ఈ సినిమా వచ్చే ఏడాది సంక్రాంతి కానుకగా ప్రేక్షకుల ముందుకు రానుంది. దాదాపు 7 భాషల్లో ప్రపంచవ్యాప్తంగా ఈ సినిమా విడుదలకు సిద్ధం చేస్తోంది చిత్రయూనిట్. మరోవైపు, ఆదిపురుష్లో నిటిస్తోన్న ప్రభాస్.. ఇటీవలే షూటింగ్ పూర్తి చేసుకుని సెలెబ్రేషన్స్ కూడా జరుపుకున్నారు. రామాయణ కథ ఆధారంగా తెరకెక్కుతోన్న ఈ సినిమాకు ఓం రౌత్ దర్శకత్వం వహిస్తున్నారు. ఇందులో రావణుడిగా సైఫ్ అలీఖాన్, సీతగా కృతీసనన్గా కనిపించనున్నారు. దీంతో పాటు, సలార్ సినిమా కూడా చేస్తున్నారు ప్రభాస్.
