Pushpa: ఐకాన్ స్టార్ అల్లు అర్జున్ హీరోగా దర్శకుడు సుకుమార్ తెరకెక్కిస్తోన్న సినిమా పుష్ప. ఇందులో బన్నీ ఎర్రచందనం స్మగ్లర్గా కనిపించనున్నారు. రష్మిక తొలిసారి బన్నీతో కలిసి స్క్రీన్ షేర్ చేసుకోనుంది. కాగా, ఈ సినిమా విడుదలకు ఇంకా నెల మాత్రమే మిలిగింది. డిసెంబరు 17న ఈ సినిమా ప్రేక్షకుల ముందుకు రానుంది. ఇప్పటికే ఈ సినిమా నుంచి విడుదలైన పోస్టర్లు, పాటలు ప్రేక్షకులను అమితంగా ఆకట్టుకున్నాయి. ఈ సినిమాలో పలు యాక్షన్ సీక్వెన్స్లు హైలైట్గా నిలవనున్నట్లు తెలుస్తోంది. కాగా, పుష్ప సినిమా విడుదలకు దగ్గర పడుతున్న కొద్దీ ప్రమోషన్స్లో జోరు పెంచింది. ఈ క్రమంలోనే ఈ సినిమా శాటిలైట్ రైట్స్ భారీ ధరకు అమ్ముడైనట్లు తెలుస్తోంది.
ప్రముఖ నిర్మాణ సంస్థ లైకా ప్రొడక్షన్స్ తమిళనాడు థియేట్రికల్ హక్కులను భారీ ధరతో సొంతం చేసుకున్నట్లు సమాచారం. సుమారు 6.5 కోట్లకు పుష్ప రైట్స్ను కొనుగోలు చేసిందని సినీ వర్గాల్లో టాక్. కాగా, మలయాళ రైట్స్ను ఏషియా నైట్ మంచి ధరకు సొంతం చేసుకున్నట్లు తెలుస్తోంది. ఇప్పటికే ఈ సినిమా విడుదల కానున్న అన్ని భాషల్లో శాటిలైట్ రైట్స్ కొనుగోలు ముగిసిందట. మరోవైపు హిందీ వర్షన్లో రిలీజ్కు ఎదురైన సమస్య కూడా తీరీపోయింది. పుష్ప సినిమాను బాలీవుడ్ డిస్ట్రిబ్యూటర్స్ థియేటర్లలో విడుదల చేసేందుకు అంగీకరించారు. దీంతో డిసంబరు 17న థియేటర్లలో సందడి చేసేందుకు పుష్ప రెడీగా ఉన్నాడు.
ఈ సినిమా కోసం బన్నీ తనను తాను పూర్తిగా మార్చుకున్నట్లు తెలుస్తోంది. మరోవైపు రష్మిక కూడా డీ గ్లామర్ పాత్రలో కనిపించనుంది. ఈ క్రమంలోనే ఆమెకు మేకప్ విషయంలో సుకుమార్ చాలా జాగ్రత్తలు తీసుకుంటున్నారు.
