Ramcharan – Sukumar Combination: మెగాపవర్స్టార్ రామ్చరణ్ కెరీర్లో మైలురాయిగా నిలిచిన సినిమాల్లో రంగస్థలం కూడా ఒకటి. సుకుమార్ దర్శకత్వంలో తెరకెక్కిన ఈ సినిమా 1985 విలేజ్ బ్యాక్డ్రాప్తో రూపొందించారు. ఈ సినిమా బాక్సాఫీసు వద్ద ఎంత ప్రభంజనం సృష్టించిందో ప్రత్యేకంగా చెప్పనక్కర్లేదు. రామ్చరణ్ తన కెరీర్లో ఎప్పుడూ చేయని విభిన్న పాత్రలో చెవిటోడిగా ఇందులో కనిపించారు. దీంతోనే, రామ్చరణ్ మంచి నటుడిగా గుర్తింపు పొందారు.
Also Read: రాంచరణ్ తో అల్లు అర్జున్ ‘విలన్’?
ఇప్పుడు ఆర్ఆర్ఆర్ సినిమాతో మరోసారి బాక్సాఫీసును బద్దలు కొట్టేందుకు రెడీ అవుతున్నారు చరణ్. మరోవైపు సుకుమార్ పుష్ప సినిమాతో హిట్ కొట్టి పార్ట్ 2 తెరకెక్కించే పనుల్లో పడ్డారు. అయితే, తాజా సమాచారం ప్రకారం చెర్రి- సుక్కూ కాంబోలో మరో సినిమా రానున్నట్లు సమాచారం. ఈ విషయాన్ని సుకుమార్ స్వయంగా ప్రకటించారు. పుష్ప సినిమా ప్రమోషన్స్ లో సుకుమార్ తన తర్వాత సినిమా గురించి మాట్లాడుకూ.. బన్నీతో పుష్ప సీక్వెల్ ఉండనుందని తెలిపారు. అనంతరం విజయ్ దేవరకొండతో మరో సినిమా తీస్తున్నట్లు ప్రకటించారు. ఆ తర్వాత రామ్చరణ్తోనూ ఓ సినిమా తెరకెక్కిస్తున్నానని వివరించారు. ఇలా వరుస ప్రాజెక్టులను ప్రకటించి అందర్నీ షాక్కు గురి చేశారు. ప్రస్తుతానికి రామ్చరణ్ సినిమా చర్చ దశలో ఉందని వివరించాడు.
ప్రస్తుతం సుకుమార్- బన్నీ కాంబోలో వచ్చిన సినిమా థియేటర్లో సందడి చేస్తోంది. మైత్రి మూవీ మేకర్స్ ఈ సినిమాని నిర్మించగా దేవిశ్రీప్రసాద్ సంగీతాన్ని అందించాడు. మరోవైపు రాజమౌళి దర్శకత్వంలో రానున్న ఆర్ఆర్ఆర్లో నటిస్తున్నాడు రామ్చరణ్. ఈ సినిమా జనవరి 7న ప్రేక్షకుల ముందుకు రానుంది.
Also Read: “పుష్ప” రాజ్ కు బెస్ట్ విషెస్ చెప్పిన చిట్టిబాబు ” రామ్ చరణ్ “…
