Radhe Shyam Trailer: బాహుబలి సినిమాతో పాన్ఇండియా స్టార్గా గుర్తింపు పొందిన రెబల్స్టార్ ప్రభాస్.. ఆ తర్వాత అన్నీ వరుసగా అదే తరహా చిత్రాల్లో నటిస్తూ కెరీర్లో ముందుకు దూసుకెళ్లిపోతున్నారు. ఈ క్రమంలోనే రాధాకృష్ణ దర్శకత్వంలో ప్రభాస్ హీరోగా తెరకెక్కుతోన్న సినిమా రాధేశ్యామ్. పీరియాడికల్ లవ్ స్టోరీ నేపథ్యంలో సాగే ఈ సినిమా కోసం ప్రేక్షకులతో పాటు అభిమానులు ఎంతో ఆసక్తిగా ఎదురుచూస్తున్నారు. ఈ సినిమాలో పూజా హెగ్డే హీరోయిన్గా నటిస్తోంది. కాగా, ఇప్పటికే విడుదలైన టీజర్, పాటలు నెట్టింట ట్రెండింగ్ను సృష్టిస్తున్న సంగతి తెలిసిందే. కాగా, వచ్చే ఏడాది సంక్రాంతి కానుకగా ఈ సినిమా విడుదల కానుండటంతో ప్రమోషన్స్లో ఫుల్ జోరు పెంచారు మేకర్స్.
ఈ క్రమంలోనే డిసెంబరు 23న రామోజీ ఫిల్మ్ సిటీలో ప్రీ రిలీజ్ ఈవెంట్ నిర్వహించి ట్రైలర్ను విడుదల చేశారు. ఈ ట్రైలర్ విడుదలైన 24 గంటల్లోనే మిలియన్ల వ్యూస్ సాధించి.. టాలీవుడ్, సౌత్ ఇండియాలో అత్యధిక వ్యూస్ దక్కించుకున్న ట్రైలర్గా రికార్డు నెలకొల్పింది. కాగా, 24 గంటల్లోనే 23.2 మిలియన్ల వ్యూస్తో దూసుకెళ్లిపోతోంది.
మరోవైపు ఓవరాల్గా 5.9 లక్షల లైకులతో నాలుగో స్థానంలో నిలిచింది. ఇక అన్ని భాషల్లో కలిపి ఈ ట్రైలర్కు 57.52 మిలియన్ల వ్యూస్ రాగా.. 1.43 మిలియన్ల లైక్స్ వచ్చాయి. ఆశ్చర్యం ఏంటంటే.. ఎన్నో అంచనాల మధ్య వస్తోన్న ఆర్ఆర్ఆర్ కు 24 గంట్లోల 51.12 మిలియన్ల వ్యూస్ వచ్చాయి. ఈ రికార్డును కూడా బ్దలు కొట్టి రాధేశ్యామ్ నిలవడం ఆశ్చర్యాన్ని కలిగిస్తోంది. మరి ఈ సినిమా ఏ రేంజ్లో ఉండనుందో తెలియాలంటే థియేటర్లో విడుదలయ్యేంత వరకు వేచి చూడాల్సిందే.
