పవర్ స్టార్.. సినిమాలు మానేసినా.. తన పేరు మీద పెద్దగా ఇండస్ట్రీ రికార్డ్స్ లేకపోయినా.. పవన్ కళ్యాణ్ అనే హీరోనే టాలీవుడ్ లో ఎప్పటికైనా నెంబర్ వన్ హీరో అని ఒక ముద్ర పడిపోయిందంటే.. అది పవన్ కళ్యాణ్ కి ఉన్న అశేష అభిమానగణమే కారణం. పవర్ స్టార్ సినిమాలు చేసినా.. చేయకపోయినా మాకు ఆయనే నెంబర్ వన్ అని పవన్ ఫ్యాన్స్ తో పాటు సగటు సినీ అభిమాని కూడా ఫీల్ అవుతూ ఉంటాడు. పవన్ కూడా అలాంటి నెంబర్ వన్ పొజిషన్ ను కాదనుకుని.. ప్రజలకు మేలు చేయటానికి రాజకీయాల్లోకి వెళ్లారు. అయినప్పటికీ పవన్ సినిమాలకు ఇంకా డిమాండ్ తగ్గలేదు. పైగా పవన్ దే నెంబర్ వన్ పొజిషన్ అనేలా ప్రస్తుతం సోషల్ మీడియాలో పవన్ కి ఉన్న డిమాండ్ చూస్తే అర్ధమవుతుంది. ఏమైనా రాజకీయాల్లో ఎంత బిజీగా ఉన్నా.. తన ఫ్యాన్స్ ను అలరించడం కోసం పవన్ ఇప్పటికే మూడు సినిమాలాకు సైన్ చేసి.. అభిమానులకు అదిరిపోయే గిప్ట్స్ ఇచ్చాడు.
Also Read: హ్యపీ బర్త్ డే పవన్ కల్యాణ్: సినీ, రాజకీయ ప్రస్థానం
కాగా తాజాగా పవన్ కళ్యాణ్ బర్త్ డే సందర్భంగా వకీల్ సాబ్ సినిమా నుండి మోషన్ పోస్టర్ ను రిలీజ్ చేసింది చిత్రబృందం. మోషన్ పోస్టర్ లో పవన్ కళ్యాణ్ లుక్ ను చూస్తుంటే.. గూస్ బంప్స్ వచ్చేలా ఉన్నాయి. మొత్తానికి పవన్ కళ్యాణ్ సినిమా కోసం ఇన్నేళ్లు ఎదురు చూసిన పవన్ ఫ్యాన్స్ కు ఈ మోషన్ పోస్టర్ మంచి కిక్ ఇచ్చింది. ఏమైనా పవన్ ఫ్యాన్స్ కు ఏది కావాలో మోషన్ పోస్టర్ లో అదే చూపించారని ఫ్యాన్స్ కామెంట్స్ చేస్తున్నారు. ఈ పోస్టర్ సినిమా పై అంచనాలను మరింతగా పెంచేసింది. కచ్చితంగా ఈ సినిమా ఇప్పటివరకూ ఉన్న రికార్డులన్నింటినీ బద్దలు కొడుతుందని పవర్ స్టార్ ఫ్యాన్స్ తమ ఆనందాన్ని వ్యక్తపరుస్తున్నారు.
Also Read: పవన్ కళ్యాణ్ బర్త్ డే ఎందుకు చేసుకోరంటే?
ఈ సినిమా వేణు శ్రీరామ్ దర్శకత్వంలో దిల్ రాజు నిర్మాతగా వస్తోంది. థమన్ మ్యూజిక్ డైరెక్టర్ గా ఈ సినిమా కోసం ప్రత్యేకమైన ట్యూన్స్ రెడీ చేస్తున్నాడట. అనట్టు ఈ మోషన్ పోస్టర్ లో పవర్ స్టార్ లాయర్ కోట్ వేసుకొసుకుని కుర్చీ మీద కాలు పెట్టి లా పుస్తకాన్ని చేతుల్లో పట్టుకొని నిలబడిన తీరు ఆమోహం అద్భుతం అంటూ పవర్ స్టార్ అభిమానులు ఆనందంతో ఉబ్బితబ్బిబ్బయిపోతున్నారు. ఇక ఇప్పటికే ట్విట్టర్ లో పవన్ కల్యాణ్ పుట్టినరోజు సందర్భంగా #HBDPawanKalyan అనే హ్యాష్ టాగ్ ట్విట్టర్ లోనే టాప్ లో ట్రెండింగ్ అవుతూ సోషల్ మీడియాని ఊపేస్తోంది. అలాగే ఫ్యాన్స్ కి పవన్ నుండి మరో సర్ ప్రైజ్ గిప్ట్స్ ఉన్నాయి. పవర్ స్టార్ చేస్తోన్న మిగితా సినిమాల అప్ డేట్స్ కూడా ఈ రోజే రివీల్ కానున్నాయి. ఈ సాయంత్రం 4 గంటలకు హరీశ్ శంకర్, పవన్ కల్యాణ్ డిటైల్స్ చెప్పనున్నారు. అలాగే క్రిష్ తో కలిసి పవన్ చేస్తోన్న సినిమా అప్ డేట్ కూడా ఈ రోజు రాబోతోంది.