PellisandaD: దర్శకేంద్రుడు రాఘవేంద్రరావు సృష్టించిన అద్భుతాల్లో ఒకటి పెళ్లి సందడి. 25 ఏళ్ల క్రితం శ్రీకాంత్ హీరోగా నటించన ఈ చిత్రం ఆనాటి యూత్ను విపరీతంగా ఆకట్టుకంది. మళ్లీ 25 ఏళ్ల తర్వాత సరికొత్తగా రూపొందించారు రాఘవేంద్రరావు. శ్రీకాంత్ తనయుడు రోషన్ను కథానాయకుడిగా పరియం చేస్తూ తెరకెక్కించారు. అయితే ఈ రీమేక్లో స్వప్న సుందరిగా అలరించనున్న ఆ అందాల రాశి శ్రీ లీల. రాఘవేంద్రరావు తెలుగు తెరపై పరిచయం చేయబోతున్న ఈ ముద్దుగుమ్మ గురించి కొన్ని ఆసక్తికర విషయాలు తెలుసుకుందామా…
అమెరికాలో 2001, జూలై 14న జన్మించిన శ్రీలీల సినీ పరిశ్రమకు కొత్తేం కాదు. గతంలో కిస్, భరాటి వంటి కన్నడ చిత్రాల్లో నటించి అందం, అభినయాల్లో తనకంటూ ప్రత్యేక గుర్తింపు తెచ్చుకుంది. సంప్రదాయం, గ్లామర్ ఏ లుక్ లో చూసినా తన అందంతో కుర్రకారును కవ్విస్తుంటుంది. ఓ వైపు సినిమాల్లో నటిస్తూనే, మెడిసిన్ చేస్తూ డాక్టర్ కావాలనే తన కలను నెరవేర్చుకోవాలనుకుంటోంది ఈ ముద్దుగుమ్మ.
ఈ క్రమంలోనే రాఘవేంద్రరావు ఆమెకు ఈ పెళ్లిసందడి చిత్రంలో హీరోయిన్గా అవకాశం కల్పించారు. ఇప్పటికే విడుదలైన టీజర్, సాంగ్స్ ప్రేక్షకులను అమితంగా ఆకట్టుకుంటున్నాయి. ఈ చిత్రం కుడా తన తండ్రి శ్రీకాంత్ నటించిన సినిమా లాగే ప్రేక్షకుల మనసు గెలుచుకుంటుందని చిత్రబృందం ఆశాభావం వ్యక్తం చేస్తోంది. అక్టోబరు 15న ఈ చిత్రం విడుదల కానుంది.